تۇركىستان وبلىسىندا ەر ادامنان 840 ءتۇپ جانە 300-گە جۋىق سىرىڭكە قورابىنا سالىنعان ەسىرتكى تاركىلەندى, دەپ حابارلايدى Egemen.kz Polisia.kz-كە سىلتەمە جاساپ.
تۇركىستان وبلىسى پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەتىساي اۋداندىق پوليتسيا ءبولىمىنىڭ پوليتسەيلەرىمەن بىرگە ەسىرتكى ەگىستىگىن انىقتاپ جويدى.
پوليتسەيلەرگە جەتىساي اۋدانىندا جەرگىلىكتى تۇرعىننىڭ ءبىرى وسiرۋگە تىيىم سالىنعان وسiمدiكتەردi ەگىپ-وسىرۋمەن اينالىسادى دەگەن حابارلاما تۇسەدى. اقپارات الىسىمەن پوليتسەيلەر بىردەن حابارلامانىڭ شىنايىلىعىنا كوز جەتكىزۋ ماقساتىندا جەدەل-ىزدەستىرۋ ءىس-شارالارىن جۇرگىزدى. جەتىسايلىق پوليتسەيلەردىڭ جان-جاقتى تەكسەرۋ جۇمىستارى ناتيجەسىندە ءۇيىنىڭ اۋلاسىنىڭ ارتقى جاعىندا ەسىرتكى تەكتەس سورا وسىمدىگىن وسىرگەن جەرگىلىكتى تۇرعىندى ۇستادى. ءتارتىپ ساقشىلارى كۇدىكتىنىڭ اۋلاسىنان ايعاقتى زات رەتىندە 840 ءتۇپ ءوسىپ تۇرعان ەسىرتكى زاتىنا ۇقساس جاسىل ءتۇستى, حوش ءيىستى وسىمدىكتى تاركىلەدى.سونىمەن قاتار تۇرعىننىڭ ۋچاسكەسىنەن كەپتىرىپ جايىپ قويعان تاعى دا 289 دانا سىرىڭكە قورابىنا سالىنعان ەسىرتكى زاتىنا ۇقساس جاسىل ءتۇستى, حوش ءيىستى ەسىرتكى زاتىنىڭ جاپىراقتارى الىندى.
جەتىساي اۋداندىق پوليتسيا بولىمىندە اتالعان جايت بويىنشا قر قك-ءنىڭ 300-بابى 2-بولىگىنىڭ 3-تارماعىمەن (قۇرامىندا ەسiرتكi زاتتار بار, وسiرۋگە تىيىم سالىنعان ءىرى مولشەردەگى وسiمدiكتەردi زاڭسىز ەگىپ-ءوسىرۋ) تىركەلىپ, تەرگەپ-تەكسەرۋ ارەكەتتەرى باستالدى. سوتقا دەيىنگى تەرگەپ-تەكسەرۋ بارىسىندا ايعاقتى زات رەتىندە الىنعان ەسىرتكىگە ساراپتاما تاعايىندالدى. ساراپتاما قورىتىندىسى بويىنشا تاركىلەنگەن تۇپتەردىڭ «سورا», ال سىرىڭكە قورابىنداعى ەسىرتكى زاتىنىڭ, «كەپتىرىلگەن ماريحۋانا» ەكەنى راستالدى.
ال كۇدىكتى ەر ادام قاماۋعا الىندى. قازىرگى تاڭدا ءىس بويىنشا تەرگەۋ امالدارى جۇرگىزىلۋدە.