وسكەمەندە فارماتسەۆت ۇستالدى

شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, نوۆاتوروۆ كوشەسىندەگى كوپقاباتتى ءۇي تۇرعىندارى ءدارىحانادا كامەلەتكە تولماعاندارعا «ترامادول», «تروپيكامەد» پرەپاراتتارى رەتسەپتسىز ساتىلىپ جاتقاندىعى تۋرالى ارىزدانعان.

سوعان وراي ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ساتىپ الۋشىنىڭ كەيپىنە ەنىپ اتالعان دارىحاناعا باردى. فارماتسەۆت ولارعا «تروپيكامەد» پرەپاراتىن 1200 تەڭگەگە ساتقان.

«پوليتسيا قىزمەتكەرلەرى 48 جاستاعى فارماتسەۆتتى ۇستاپ, ودان 11 دانا «تروپيكامەد» جانە 2 «ترامادول» پرەپاراتتارىن تاركىلەدى. جينالعان ماتەريال قر اقبتك-ءنىڭ 426-بابى بويىنشا ءدارىحانا يەسىن اكىمشىلىك جاۋاپقا تارتۋ ءۇشىن مەديتسينالىق فارماتسەۆتيكالىق باقىلاۋ كوميتەتىنىڭ وبلىستىق دەپارتامەنتىنە جولداندى», دەلىنگەن اقپاراتتا.

جىل باسىنان بەرى وڭىردە فارماتسەۆتيكالىق قىزمەت ەرەجەسىن بۇزۋدىڭ 5 فاكتىسى انىقتالعان. سالىنعان ايىپپۇلدىڭ جالپى مولشەرى – 1 805700 تەڭگەنى قۇرادى.