جەمشوپ دايىنداۋ – جاۋاپتى مىندەت

سانيتارلىق-ەپيدەميالىق جاعداي تۇراقتانىپ كەلەدى

دەنساۋلىق ساقتاۋ ءمينيسترى الەكسەي تسويدىڭ ايتۋىنشا, الەمدەگى جاعداي شيەلەنىسكەن كۇ­يىندە قالىپ وتىر. جالپى العان­دا, بۇگىندە الەمدە 208 ملن جۋىق كۆي اۋرۋى تىركەلدى, كۇنىنە 480 مىڭنان اسا جاعداي تىر­كە­لۋدە. 4,3 ملن اسا ادام قاي­تىس بولدى. ددۇ-نىڭ التى ايما­عى­نىڭ تورتەۋىندە شىلدە ايى­نىڭ ەكىنشى ونكۇندىگىنەن سىرقاتتانۋشىلىقتىڭ ءوسۋ تەندەنتسياسى بايقالدى. جاڭا جاعدايلاردىڭ ەڭ ۇلكەن پروپورتسيونالدى ءوسۋى امەريكا مەن تىنىق مۇحيتىنىڭ باتىس ايماقتارىندا تىركەلدى. ددۇ-عا مۇشە مەملەكەتتەردىڭ 228 ەلىنىڭ 38-ىندە جاڭا جاعدايلاردىڭ 50%-دان استامعا وسكەنى بايقالدى.

وتكەن اپتادا اۋرۋدىڭ ەڭ كوپ ءوسۋى ازەربايجاندا بايقالدى, وندا ءبىر اپتا ىشىندە سىرقاتتانۋ 121%, يزرايلدە 63%, جاپونيادا 21% ءوستى.

قازاقستاندا اپتالىق ءوسىم 2%-عا تومەندەدى. 18 تامىزداعى مالىمەت بويىنشا, رەسپۋبليكادا COVID-19-دىڭ وڭ ناتيجەسى بار 708 379 ناۋقاس جانە كۆي- ناتيجەسى بار 66 381 ناۋقاس تىر­كەلدى. «تۇركىستان وبلىسىنان باس­­قا بارلىق ايماق – «قىزىل اي­ماق­تا». سوڭعى ءۇش اپتادا قازاق­ستان­دا ەپيدەميالىق جاعدايدىڭ بىر­تىندەپ تۇراقتالۋى بايقالدى, ورتاشا ەسەپپەن اپتاسىنا 53 مىڭ­عا جۋىق جاعداي تىركەلەدى», دەدى ا.تسوي.

ونىڭ ايتۋىنشا, 1 تامىزدان باستاپ قازاقستاندا كوروناۆيرۋس ينفەكتسياسىنىڭ تارالۋ يندەكسى 1,11-دەن 0,97-گە دەيىن 14%-عا تومەندەدى. ينفەكتسيالىق ورىندار 53%, رەانيماتسيالىق ورىندار 47% جۇكتەمەلەنگەن. ينفەكتسيالىق ورىنداردىڭ كوپ جۇكتەمەلەنۋى اقتوبە وبلىسىندا – 69%, قىزىلوردا وبلىسىندا – 66%, الماتى وبلىسىندا – 64%.

سونداي-اق مينيستر ەلدىڭ مەدي­تسينالىق ۇيىمدارىنىڭ تۇراقتى جۇمىسىن اتاپ ءوتتى. بۇگىندە كۆي-مەن اۋىرعان 120 مىڭنان اسا ناۋقاس ەمدەلۋدە. سونىمەن قاتار ءبىرىنشى كۇنى رەانيماتسياعا جاتقىزىلعان پاتسيەنتتەردىڭ ۇلەسى 40%-دان استى جانە بۇل اگرەسسيۆتى «دەلتا» شتامىنىڭ اسەرىمەن, ناۋقاستاردىڭ ءوزىن ءوزى ەمدەۋىمەن جانە ولاردىڭ مەديتسينالىق كومەككە كەش جۇگىنۋىمەن بايلانىستى. «وسىعان بايلانىس­تى جەرگىلىكتى اتقارۋشى ورگاندار اۋرۋدىڭ الدىن الۋ, حالىق ارا­سىندا ءوزىن ءوزى ەمدەۋگە جول بەر­مەۋ جانە مەديتسينالىق كومەك­كە ۋاقىتىندا جۇگىنۋ بويىن­شا اقپاراتتىق-ءتۇسىندىرۋ جۇمىس­تارىن كۇشەيتۋى قاجەت», دەدى ا.تسوي.

مينيستر قازاقستاندىقتاردان كۆي العاشقى بەلگىلەرى بىلىنگەن كەزدە ءوزىن ءوزى ەمدەۋگە ەمەس, مەدي- تسينالىق كومەككە جۇگىنۋدى سۇ­را­دى. «قاراپايىم ەرەجەلەردى ساق­تاۋ جۇزدەگەن ادامنىڭ ءومىرىن ساق­تاپ قالاتىنىن ەستە ساقتاۋ كەرەك», دەدى ا.تسوي.

ۆاكتسينالاۋ پروتسەسىنە كەلەتىن بولساق, بۇگىنگە دەيىن رەسپۋبليكادا ءبىرىنشى كومپونەنتىن 6,1 ملن ادام الدى, ءتيىستى حالىقتىڭ قام­تى­لۋى 62%-دى قۇرادى, ەكىنشى كوم­پونەنتىن 4,8 ملن-عا جۋىق ادام الدى, بۇل ءتيىستى حالىقتىڭ 48%-ىن قامتيدى. ءمينيستردىڭ ايتۋىنشا, ەڭ كوپ قامتۋ 6 ايماق­تا بايقالادى: شىمكەنت, الما­تى قالالارىندا, تۇركىستان, سول­تۇس­تىك قازاقستان, شىعىس قازاقستان, قىزىلوردا وبلىستارىندا.

ءبىرىنشى دوزامەن ۆاكتسي­نا­لاۋ­دىڭ ەڭ تومەنگى پايىزى ماڭعىستاۋ وبلىسىندا بايقالادى. «وڭىرلەر ۆاكتسينانىڭ جەتكىلىكتى مول­شەرىمەن قامتاماسىز ەتىلگەن. ۆاك­تسينالار كەستە بويىنشا جەت­كى­زىلۋدە. قىتايدىڭ Sinopharm ۆاكتسينا­سى­نىڭ ءبىرىنشى پارتياسى بارلىق ايماققا جەت­كىزىلدى. جەتكىزۋ جالعاسۋدا», دەدى ا.تسوي.

Ashyq جوباسىنىڭ كەڭىنەن تارالۋى جالعاسۋدا. مينيستر اتاپ وتكەندەي, جوباعا قاتىسۋ­شى­لاردىڭ سانى 111 مىڭ­نان استى, ونىڭ ىشىندە 921 كوشباسشى, قولدانۋشىلاردىڭ سانى 4 ملن-عا جەتتى. كۇن سايىن 400 مىڭ­نان اسا قازاقستاندىق ونلاين رەجىمىندە ءوز ستاتۋسىن تەكسە­رەدى. باقىلاۋ توپتارى كارانتين شارالارىنىڭ ساقتالۋىن باقىلاۋ­دى جالعاس­تىرۋدا. تالداۋ كورسەت­كەندەي, سوڭعى ەكى اپتادا رەيدتىك قامتۋ 16%-عا, ال بۇزۋ­شىلىقتارعا جول بەرگەن نىساندار سانى 1,2 ەسە­گە ءوستى. بۇل رەتتە ا.تسوي اقتو­بە, باتىس قازاقستان, قىزىل­وردا, قاراعاندى وبلىستارىن­دا نىسانداردىڭ رەيدتىك قامتى­لۋىنىڭ تومەندەگەنىن اتاپ ءوتتى.

مونيتورينگ توپتارى Ashyq قاتىساتىن نىسانداردا دا كارانتين شارالارىنىڭ ساقتالۋىن باقىلايدى. Ashyq جوباسى اياسىن­دا مونيتورينگ توپتارى 60 473 نىساندى قامتىدى, 1 183 نىساندا بۇزۋشىلىقتار انىقتالدى. سو­نىمەن قاتار مينيستر اتاپ وت­كەن­دەي, Ashyq ەنگىزىلگەننەن بەرى «قى­زىل» جانە «سارى» ستاتۋسى بار 46 067 كەلۋشى انىقتالدى, ونىڭ ىشىندە 29 930-نىڭ پتر تەس­تى­سىنىڭ وڭ ناتيجەسى بار جانە 16 137-ءسى اۋرۋدى جۇقتىرعاندارمەن باي­لانىستا بولعاندار. «بۇل ستاتيستيكا, وكىنىشكە قاراي, كەيبىر ازاماتتاردىڭ ۇيدە وقشاۋلانۋ رەجىمىن ساقتامايتىنىن, حالىق جاپپاي جينالاتىن جەرلەرگە بارۋعا تىرىساتىنىن, ەل ىشىندە كوپ جول جۇرەتىنىن, وسىلايشا اۋرۋدى باسقالارعا جۇقتىرۋ قاۋپىن تۋدىراتىنىن كورسەتەدى. باسقالارعا قاۋىپ توندىرەتىن ازاماتتاردان ازاماتتىق جاۋاپكەرشىلىك تانىتىپ, ۆيرۋستىڭ تارالۋىنا ىقپال ەتپەۋىن سۇرايمىن», دەدى ا.تسوي.

ونىڭ ايتۋىنشا, قازىرگى كارانتين شارالارىنا قاراماستان, كوپتەگەن ايماقتا كوپ ادامداردىڭ قاتىسۋىمەن مەرەكەلىك شارالاردى (ۇيلەنۋ تويلارى, ەسكە الۋ اسى جانە باسقالارى) وتكىزۋ جالعاسۋدا جانە كارانتيندى ورەسكەل بۇزۋ فاكتىلەرى انىقتالدى. مينيستر پرەمەر-مينيسترگە جەرگىلىكتى اتقارۋشى ورگاندارعا مونيتورينگ توپتارىنىڭ جۇمىسىن كۇشەيتۋدى تاپسىرۋدى سۇراپ ءوتىنىش ءبىلدىردى.

ماسەلەنى قورىتىندىلاعان ۇكىمەت باسشىسى اسقار مامين ماڭعىستاۋ, اتىراۋ, قوستاناي جانە باتىس قازاقستان وبلىستارىندا ۆاكتسينالاۋ قارقىنىن ەداۋىر كۇشەيتۋدى تاپسىردى. پرە­مەر-مينيستر جاڭا وقۋ جىلىنا دايىندىق اياسىندا 25 تامىزعا دەيىن مۇعالىمدەردى ۆاكتسينالاۋ­دى اياقتاپ, وقۋ ورىندارىنىڭ دايىندىعىنا باقىلاۋدى كۇشەيتۋ قاجەت ەكەنىن اتاپ ءوتتى. ا.مامين حا­لىقتىڭ شەكتەۋ شارالارىن ساق­تاۋىن ودان ءارى باقىلاۋدى جانە مونيتورينگتىك توپتار قىزمەتىنىڭ تيىمدىلىگىن ارتتىرۋدى, ۆاكتسينالاۋ قاجەتتىلىگى تۋرالى اقپاراتتىق جۇمىستى كەڭەيتۋدى تاپسىردى.

«قىزىل ايماقتا» ورنالاسقان وڭىرلەردە دەمالىس كۇندەرىنە ەنگىزىلگەن لوكداۋن ساقتالادى. Ashyq جوباسىنا قاتىسۋشىلار سانىن ارتتىرۋ جۇمىسى جالعاسادى. بۇگىنگى تاڭدا قوسىمشاعا 4 ملن-نان اسا پايدالانۋشى تىركەلگەن, جوباعا 111 مىڭ بيزنەس سۋبەكتىسى قاتىسادى.

مال ازىعىنىڭ ماڭىزى ارتۋدا

ۇكىمەت وتىرىسىندا مالدى جەمشوپپەن قامتاماسىز ەتۋ جانە ەگىن جيناۋ ناۋقانىنا دايىندىق ماسەلەلەرى قارالدى. مال ازىعىن دايىنداۋداعى قازىرگى جاعداي مەن قابىلدانىپ جاتقان شارالار تۋرالى اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەەۆ, «اتامەكەن» ۇكپ باسقارما توراعاسى ابىلاي مىرزاحمەتوۆ, وڭىرلەردە جەم-ءشوپ دايىنداۋ بارىسى تۋرالى ماڭعىستاۋ وبلىسىنىڭ اكىمى سەرىكباي ترۇموۆ, قىزىلوردا وبلى­سىنىڭ اكىمى گۇلشارا ابدى­قالىقوۆا, ەگىن جيناۋ جۇمىس­تارىنا دايىندىق تۋرالى قوس­تاناي وبلىسىنىڭ اكىمى ارحيمەد مۇحامبەتوۆ, سولتۇستىك قازاقستان وبلىسىنىڭ اكىمى قۇمار اقسا­قالوۆ, اقمولا وبلىسى اكىمىنىڭ ورىنباسارى مالعاجدار تاتكەەۆ باياندادى.

بيىلعى جاز ەرەكشە قۇر­عاق بولدى, سونىڭ سالدارىنان ەلىمىزدىڭ باتىسى مەن وڭتۇستىگىندە بىرقاتار ءوڭىر زارداپ شەكتى. قۇرعاقشىلىقتان زارداپ شەككەن وڭىرلەردى جەمشوپپەن قام­تاماسىز ەتۋ ماسەلەلەرى جونىندەگى شەشىمدەردى جەرگىلىكتى جانە ورتا­لىق اتقارۋشى ورگانداردىڭ قىز­مەتىن ۇيلەستىرۋ جونىندەگى رەس­پۋبليكالىق جەدەل شتاب قا­بىلداپ جاتىر.

بيىلعى 16 تامىزداعى جاعداي بو­يىنشا قازاقستاندا 20,7 ملن توننا ءىرى ازىق دايىندالدى, بۇل جوسپارلانعان جىلدىق كولەمنىڭ 81,7%-ىن قۇرايدى. ماڭعىستاۋ جانە قىزىلوردا وبلىس­تارىنا جەمشوپ ساتىپ الۋعا ۇكىمەت رەزەرۆىنەن 3,6 ملرد تەڭگە ءبولىندى, جەمشوپ دايىنداۋعا قوسىمشا 43,1 مىڭ توننا ارزانداتىلعان ديزەل وتىنى ءبولىندى. سولتۇستىك وڭىرلەردەن جەمشوپ جەتكىزىلدى.

باتىس وڭىرلەردى جەمشوپپەن قامتاماسىز ەتۋ ماسەلەسىنە ۆولونتەرلەر دە كىرىستى. وسى جىل­عى 23 تامىزدان باستاپ ءىرى ازىق­تى رەسپۋبليكادان شىعارۋعا ۋا­قىتشا تىيىم سالۋدى ەنگىزۋ تۋرالى شەشىم كۇشىنە ەنەدى, بيىلعى 1 قىركۇيەكتەن باستاپ مال جەمىن ەكسپورتتاۋعا كۆوتالاۋ ەنگىزىلەدى. «قابىلدانعان شارالاردىڭ ارقاسىندا جەم-شوپپەن قامتاماسىز ەتۋ ماسەلەسى جالپى تۇراقتاندى», دەگەن ۇكىمەت باسشىسى ا.مامين اۋىل شارۋا­شىلىعى مي­نيسترلىگى مەن اكىم­دىكتەرگە وسى باعىتتاعى جۇمىستى جالعاستىرىپ, جاعدايدى ەرەكشە باقىلاۋدا ۇستاۋدى تاپسىردى.

ۇكىمەت باسشىسى ەگىن جيناۋ ناۋقانىن قارجىلىق جانە ماتە­ريالدىق-تەحنيكالىق قام­تاماسىز ەتۋ بويىنشا بارلىق شا­رالار قابىلدانعانىن اتاپ ءوتتى. بيىل اۋا رايىنىڭ قولاي­سىزدىعىنا بايلانىستى جەتەكشى استىق ءوندىرۋشى ەلدەردە بيداي ونىمدىلىگىنىڭ تومەندەۋى بولجانۋدا. ماسەلەن, اقش اۋىل شارۋاشىلىعى مينيسترلىگى مەن حالىقارالىق استىق كەڭەسىنىڭ بولجامدارى بويىنشا, قۇراما شتاتتاردا بيداي ءتۇسىمىنىڭ 4,4%-عا – 49,7 ملن توننادان 47,5 ملن تونناعا دەيىن, كانادادا 32%-عا – 35,1 ملن توننادان 24 ملن تونناعا دەيىن, رەسەيدە 15%-عا – 85,3 ملن توننادان 72,5 ملن تونناعا دەيىن تومەندەۋى كۇتىلۋدە.

بولجام بويىنشا, قازاقستاندا ءداندى داقىلداردىڭ جەتكىلىكتى كو­لەمى جينالادى. سونىمەن قاتار 6,5-7 ملن تونناعا جۋىق ەكس­­پورت­تىق الەۋەت ساقتالادى. ۇكى­مەت باسشىسى ەگىن جيناۋ ناۋ­قانىن ساپالى وتكىزىپ, ەلەۆاتور­لاردىڭ ءونىمدى قابىلداۋ مەن ساق­تاۋعا دايىندىعىن قامتا­ماسىز ەتۋ, استىق قابىلداۋ كاسىپ­­ورىن­دارىنىڭ ونى ساقتاۋ ءۇشىن ۋاق­تىلى قابىلداۋى قاجەت ەكەنىن اتاپ ءوتتى. ەنەرگەتيكا مينيسترلىگىنە ەگىن جيناۋ كەزىندە ججم-ءدى ۋاق­تىلى قامتاماسىز ەتۋ ماسە­لەسىن تۇراقتى باقىلاۋدا ۇستاۋ تاپ­سىرىلدى.

اقتوبە وبلىسىنىڭ كەشەندى دامۋ جوسپارى بەكىتىلدى

ۇكىمەت وتىرىسىندا اقتو­بە وبلى­سىنىڭ 2021-2025 جىل­دارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارى قارالدى. بۇل جونىن­دە ۇلتتىق ەكونوميكا ءمينيسترى اسەت ەر­عاليەۆ, دەنساۋلىق ساقتاۋ ءمينيسترى الەكسەي تسوي, يندۋستريا جانە ينفرا­قۇ­رىلىمدىق دامۋ ءمينيسترىنىڭ مىندەتىن اتقارۋشى قايىربەك وسكەنباەۆ, اقتوبە وبلىسىنىڭ اكىمى وڭداسىن ورازالين بايانداما جاسادى.

ۇكىمەت باسشىسى اقتوبە وبلىسى باتىس اگلومەراتسياسىنىڭ ورتالىعى, ەلىمىزدەگى ماڭىزدى يندۋستريالىق-اگرارلىق ءوڭىر ەكەنىن اتاپ ءوتتى. مەتاللۋرگيا, حيميا جانە مۇناي-گاز سالالارىن دامىتۋ ءۇشىن وبلىستىڭ ايتارلىقتاي الەۋەتى بار. كەشەندى جوسپاردىڭ 36 ءىس-شاراسىن ىسكە اسىرۋ وبلىستىڭ دامۋىنا جاڭا سەرپىن بەرەدى, بەس جىل ىشىندە شامامەن 5,8 ترلن تەڭگە ينۆەس­تيتسيا تارتۋعا, ونىڭ ىشىندە 1,7 ترلن تەڭگە شەتەلدىك ينۆەستيتسيا تار­تۋعا مۇمكىندىك بەرەدى. اقتوبە وبلىسىنىڭ ەلدى مەكەندەرىندە ينجەنەرلىك-كوممۋنيكاتسيالىق, يندۋس­تريالىق, كولىك ينفرا­قۇرىلىمىن دامىتۋ جوبالارى جۇزەگە اسىرىلادى. وڭىردە 450 گەكتار اۋماقتا تۇرىك ينۆەستورلارىن تارتۋمەن «Gebze» ەرەكشە شارتتارى بار يندۋستريالىق ايماعى قۇرىلادى. جوبا 20 مىڭنان اسا جاڭا جۇمىس ورىندارىن قۇرۋعا جانە 500 ملرد تەڭگەدەن اسا جەكە ينۆەستيتسيا تارتۋعا مۇمكىندىك بەرەدى.

تاۋ-كەن مەتاللۋرگياسى ونەر­كاسىبىنىڭ ەكونوميكالىق تيىم­دىلىگىن ارتتىرۋ ماقساتىندا جەكە ينۆەستيتسيالار ەسەبىنەن ايتەكە بي اۋدانىندا كاتودتى مىس ءوندىرۋ كەشەنىن كەڭەيتۋ جانە مارتوك اۋدانىندا تيتان-تسيركوني كەن ورنىن يگەرۋ بويىنشا جۇمىستار جۇرگىزىلەدى. دەرەكتەردى وڭدەۋ ورتالىعىن پايدالانۋعا بەرۋ جانە گاز وڭدەۋ زاۋىتى قۇرىلىسىنىڭ ەكىنشى كەزەڭىن ىسكە اسىرۋ جوسپارلانۋدا.

اگروونەركاسىپتىك كەشەندەگى 5 جوبانى ىسكە اسىرۋ ارقىلى 2026 جىلعا قاراي وبلىستا سۋارمالى جەرلەردىڭ كولەمىن 40 مىڭنان 100 مىڭ گەكتارعا دەيىن, ءىرى قارا مال باسىن 225%-عا, جىلقى باسىن 130%-عا ۇلعايتۋ جوسپارلانعان. ەت ءوندىرىسى 140%-عا (220 مىڭ تونناعا), ءسۇت ءوندىرۋ 130%-عا (447 مىڭ تونناعا) دەيىن ارتتىرىلادى.

اقتوبە وبلىسىنىڭ وڭىر­ارا­لىق بايلانىسىن نىعايتۋ ماق­ساتىندا 525 شاقىرىم رەس­پۋبليكالىق جانە جەرگىلىكتى ماڭىزى بار اۆتوموبيل جولى جاڭارتىلادى. «اقتوبە-ورسك» جانە «اقتوبە قالاسىنىڭ وڭ­تۇستىك اينالما جولى» سياقتى جوبالاردى ىسكە اسىرۋ اقتوبە قالاسىنىڭ ء«وسۋ ورتالىعى» جا­نە ەلدىڭ باتىسىنداعى ءىرى كولىك تورابى رەتىندەگى ءرولىن كۇشەي­تەدى. «اقتوبە – حرومتاۋ – قارا­بۇتاق – ۇلعايسىن» جانە «اق­توبە – اتىراۋ – استراحان» اۆتو­موبيل جولدارىن ودان ءارى قايتا جاڭارتۋ جاقسى جانە قانا­عاتتانارلىق جاعدايدا اۆتوموبيل جولدارىنىڭ ۇلەسىن 61%-دان 95%-عا دەيىن ارتتىرۋعا مۇمكىندىك بەرەدى. جولاۋشىلار اعىنى مەن كورشى وبلىستارمەن جۇك تاسىمالىنىڭ ۇلعايۋى ناتيجەسىندە اقتوبە وبلىسىنىڭ تاۋار اينالىمى 5 جىل ىشىندە 1,5 ەسە ارتىپ, 2,3 ترلن تەڭگەگە دەيىن وسەدى دەپ كۇتىلۋدە.

دەنساۋلىق ساقتاۋ مەن ءبىلىم بەرۋ جۇيەسىندە كورسەتىلەتىن قىزمەت­تەر­دىڭ قولجەتىمدىلىگى مەن ساپاسىن جاقسارتۋ ءۇشىن زاماناۋي ينفراقۇ­رىلىم قۇرىلادى. وبلىستىق كوپبەيىندى اۋرۋحانانى پايدالانۋعا بەرۋمەن قاتار, وڭىردە بالالار گەماتولوگيا­سىنىڭ ونكولوگيالىق ورتالىعى سالى­نادى, سونداي-اق كەمىندە 25 دەنساۋلىق ساقتاۋ وبەكتىسى كۇر­دەلى جوندەۋدەن ءوتىپ, جوعارى تەحنو­­لوگيالىق مەديتسينالىق جابدىق­­تارمەن جابدىقتالادى. وبلىس بويىنشا 49 مەكتەپ پەن اقتو­بە قالاسىنداعى كوللەدج­دەر­دىڭ ستۋدەنتتەرىنە ارنالعان 3 جا­تاقحانا سالۋ جوسپارلانۋدا.

جالپى, كەشەندى جوسپاردى ىسكە اسىرۋ ءوڭىر تۇرعىندارىنىڭ ءومىر ءسۇرۋ ساپاسىن, تابىسى مەن ءال-اۋقاتىن جاقسارتۋعا جول اشادى. الدىن الا باعالاۋ بويىنشا, 114 مىڭ جاڭا جۇمىس ورنى اشىلادى, وڭدەۋ ونەركاسىبىنىڭ كولەمى 21,6%-عا, اۋىل شارۋاشىلىعى ونىمدەرى 37%-عا, تۇرعىن ءۇيدى پاي­دالانۋعا بەرۋ 21%-عا, قۇرى­لىس جۇمىستارىنىڭ كولەمى 60,7%-عا وسەدى. ءجوو ناقتى ءوسىمى 27,4%-دى قۇرايدى.

ماسەلەنى قورىتىندىلاعان پرەمەر-مينيستر بەكىتىلگەن اقتوبە وبلىسىنىڭ 2025 جىلعا دەيىنگى الەۋمەتتىك-ەكونو­ميكالىق دامۋىنىڭ كەشەندى جوسپا­رىنىڭ شارالارىن ۋاقتىلى جانە ساپالى ورىنداۋدى قامتاماسىز ەتۋدى تاپسىردى.