قازىرگى كەزدە كوروناۆيرۋس ىندەتىن جۇقتىرۋدىڭ دەرەگى جامبىل وبلىسىندا دا كوبەيىپ تۇر, دەپ حابارلايدى Egemen.kz.
اعىمداعى جىلعى 18 تامىزداعى جاعداي بويىنشا وڭىردەگى ينفەكتسيالىق ستاتسيونارلارىندا بارلىعى 3634 توسەك-ورىن قاراستىرىلعان. ونىڭ ىشىندە 1976 كەرەۋەت تولتىرىلعان. بۇل 54 پايىزدى قۇرايدى. بۇگىندە ايماقتاعى اۋرۋحانالاردىڭ جانساقتاۋ بولىمدەرىندە 179 ناۋقاس ەم قابىلداۋدا.
وتكەن تاۋلىكتە جامبىل وڭىرىندە كوروناۆيرۋس جۇقتىرۋدىڭ 219, ال, پنەۆمونيانىڭ 37 جاعدايى تىركەلدى. بۇگىنگى تاڭدا اۋرۋحانادان بارلىعى 11 مىڭ 713 ازامات ساۋىعىپ شىقتى. كارانتيندىك ستاتسيونارلارعا 23 تۇلعا ورنالاستىرىلعان. سونىمەن قاتار, 10 زەرتحانادا تاۋلىگىنە شامامەن 2600-2800 پتر زەرتتەۋ جۇرگىزىلۋدە.