ماماندار ماسكەۋ تۇبىندە يل-112ۆ اسكەري تاسىمالداۋشى ۇشاعىنىڭ قۇلاۋىنا قوزعالتقىشتىڭ ىستەن شىعىپ, قيراۋى, ودان كەيىن ورتەنۋى سەبەپ بولعانىن انىقتادى, دەپ حابارلايدى Egemen.kz.
بۇل تۋرالى تاسس اقپارات اگەنتتىگى مالىمدەدى.
«ۇشاق اۋەدە ءتورت مينۋت بولعان. ەكيپاج ءورت تۋرالى حابارلاپ, قونۋعا ارەكەتتەنگەن. يل-112ۆ ماسكەۋ تۇبىندەگى كۋبينكانىڭ ۇشۋ-قونۋ جولاعىنان نەبارى 1,5 شاقىرىم جەردە قۇلادى», دەپ مالىمدەدى كۇش قۇرىلىمدارى.
ۇشاق بورتىندا ءۇش ادامنان قۇرىلعان ەكيپاج, سونىڭ ىشىندە ونىڭ كومانديرى – ەڭبەگى سىڭگەن سىناۋشى ۇشقىش, رەسەي قاھارمانى نيكولاي كۋيموۆ بولعان. ولاردىڭ بارلىعى قازا تاپتى.
ۇشقىشتار سوڭعى ساتكە دەيىن كۇرەسىپ, ۇشاقتى تۇرعىن ۇيلەردەن بۇرىپ اكەتۋگە تىرىسقان.
ۇشاقتىڭ قۇلاۋ فاكتىسى بويىنشا رف قىلمىستىق كودەكسىنىڭ 263-بابىنىڭ 3-بولىمىمەن (اۋە كولىگى قوزعالىسى مەن پايدالانۋ قاۋىپسىزدىگى ەرەجەلەرىن بۇزۋ) قىلمىستىق ءىس قوزعالدى.
وسىعان دەيىن رەسەيدە يل-112ۆ اسكەري ۇشاعىنىڭ اپاتقا ۇشىراعانى حابارلانعان بولاتىن.