اباي اۋدانىنىڭ توپار كەنتىندەگى شەرۋباي باتىرعا قويىلعان ەسكەرتكىش بەلگى كوپ جىلدار بويى كۇتىم كورمەي, توزا باستاعان-تۇعىن. تاياۋدا جەرگىلىكتى «جاستار اليانسى» قوعامدىق بىرلەستىگىنىڭ ەرىكتىلەرى مەن اباي اتىنداعى ورتا مەكتەپتىڭ پەداگوگتەرى بۇل كەمشىلىكتى جويۋ بويىنشا اكتسيا ۇيىمداستىردى.
شەرۋباي بيبولدى ۇلى – قالماققا قارسى سوعىستاردا ەرلىگىمەن كوزگە تۇسكەن باتىر. ونىڭ تۋىپ-وسكەن مەكەنى وسى توپار كەنتىنىڭ ماڭى. قاراعاندى وبلىسىنداعى شەت جانە بۇقار جىراۋ اۋداندارىنىڭ اۋماعىمەن اعىپ وتەتىن شەرۋباي-نۇرا وزەنى باتىردىڭ اتىمەن اتالادى. بۇدان بولەك وسى وزەننىڭ جاعاسىندا باتىر ەسىمىمەن اتالاتىن شەرۋباي-نۇرا ستانساسى بار. يگى ءىستىڭ باستاماشىسى, «جاستار اليانسى» قب باسشىسى تەمىرلان كاكەنوۆ ەسكەرتكىش بەلگىنى قالپىنا كەلتىرۋ جۇمىسىنا 15 ادامنىڭ قاتىسقانىن ايتادى.
– ۇزاق جىلدار كۇتىم بولماعاننان كەيىن, ەسكەرتكىش بەلگى وتە ناشار كۇيگە تۇسكەن ەكەن. ارقانىڭ قىتىمىر كليماتى دا ونىڭ بۇزىلا باستاۋىنا زيانىن تيگىزسە كەرەك. وسى اكتسيا اياسىندا ءبىز وتە تاعىلىمدى شارۋا بىتىردىك دەپ ماقتانىشپەن ايتا الامىز, – دەيدى ول.
ەرىكتىلەر مەن پەداگوگتەر ەسكەرتكىش بەلگىنىڭ شىنجىر قورشاۋىن, قالقان مەن نايزانى سىرلاپ, ونىڭ تۇعىرىن دا نىعايتتى. سونىمەن قاتار ماڭايىن كۇل-قوقىستان تازارتتى.
قاراعاندى وبلىسى,
اباي اۋدانى