پاۆلودار وبلىسىنىڭ پوليتسەيلەرى 499 بىرلىك اۋىل شارۋاشىلىعى تەحنيكاسىن تەكسەردى, دەپ حابارلايدى Egemen.kz Polisia.kz-كە سىلتەمە جاساپ.
«بۇگىنگى تاڭدا پوليتسەيلەر 499 بىرلىك اۋىل شارۋاشىلىعى تەحنيكاسىن تەكسەردى. تەكسەرۋ ناتيجەسىندە 84 جول قوزعالىسى ەرەجەلەرىن بۇزۋ, ونىڭ ىشىندە 48 كولىك قۇرالدارى جۇرگىزۋشىلەرىنىڭ سىرتقى جارىق قۇرالدارىن پايدالانۋ ەرەجەلەرىن بۇزۋى انىقتالدى. 26 جۇرگىزۋشى ءتيىستى قۇجاتتارى جوق تەحنيكانى باسقارعان. سونداي-اق مەملەكەتتىك تىركەۋ ءنومىرىنسىز اۋىل شارۋاشىلىعى تەحنيكاسىن جۇرگىزۋدىڭ التى فاكتىسى تىركەلدى. پوليتسيا قىزمەتكەرلەرى كولىك جۇرگىزۋشىلەرىنىڭ ماس كۇيىندە باسقارعان ءتورت فاكتىسىن انىقتادى», دەدى پاۆلودار وبلىسى پوليتسيا دەپارتامەنتى باستىعىنىڭ ءبىرىنشى ورىنباسارى جاسقايرات قايىروۆ.