جالعان ينسپەكتورلار نىسانداردى ارالاپ, كاسىپكەرلەردى قورقىتۋعا كوشكەن. زاڭ بۇزۋشىلىققا «كوز جۇمعانى» ءۇشىن سىياقى تالاپ ەتەدى ەكەن, دەپ حابارلايدى Egemen.kz وبلىستىق كاسىپكەرلەر پالاتاسىنىڭ ءباسپاسوز قىزمەتىنە سىلتەمە جاساپ.
جالعان باقىلاۋشى توپتار تۋرالى اقپارات الەۋمەتتىك جەلىلەردە ءجيى شىعا باستادى.
«مەن تاعى ءبىر رەت ەسكە سالعىم كەلەدى, بارلىق رەيد باقىلاۋ توبىنىڭ قۇرامىن جانە جوسپارلانعان وبەكتىنى كورسەتە وتىرىپ, infokazakhstan.kz سايتىندا تىركەلۋى ءتيىس. كاسىپكەر تەكسەرۋدىڭ زاڭدىلىعىن ءوز بەتىمەن تەكسەرە الادى. ول ءۇشىن اكتىدە كورسەتىلگەن QR-كودتى سكانەرلەۋ قاجەت», دەدى قوستاناي وبلىسى كاسىپكەرلەر پالاتاسىنىڭ ءبولىم باسشىسى روبەرت يۋسۋپوۆ.
ەستەرىڭىزگە سالا كەتەيىك, اتالعان تالاپتار مونيتورينگتىك توپ الگوريتمىندە 1 شىلدەدە پايدا بولدى.
«ەندى جوسپارلانعان تەكسەرۋلەر مەن ولاردىڭ ناتيجەسى تۋرالى اقپاراتتى infokazakhstan.kz پلاتفورماسى ارقىلى باقىلاۋعا بولادى. ولاردىڭ نەگىزىندە ستاتيستيكا مەن انىقتالعان بۇزۋشىلىقتار كۇن سايىن وڭىرلەر بويىنشا قۇرىلادى.
بۇدان باسقا, ينسپەكتورلاردىڭ ارەكەتتەرى تۋرالى قوستاناي وبلىسى كاسىپكەرلەرىنىڭ قۇقىقتارىن قورعاۋ جونىندەگى ءموبيلدى توپقا تەلەفون ارقىلى حابارلاسا الاسىز: 8-705-153-91-07, 8-777-580-03-99 , 8-7142-394-208, + 7 (7142) 54 29 53, +7 (775) 829 95 79, + 7 (775) 265 55 51», دەپ جازادى ۆەدومستۆو.