قارجىلىق مونيتورينگ اگەنتتىگىنىڭ الماتى قالاسى بويىنشا اۋماقتىق دەپارتامەنتى «World Business Consulting» قارجى پيراميداسىنىڭ قىزمەتىن ۇيىمداستىرۋشىلارعا قاتىستى قىلمىستىق ءىستى قاراپ جاتىر, دەپ جازادى Egemen.kz.
قارجىلىق بارلاۋ مالىمەتتەرى بويىنشا, قارجى پيراميداسىن ۇيىمداستىرۋشىلار ازاماتتارعا World trend Strategies, Confidence World Group, HUBB international, Riviera imperial, Asteco جانە ت.ب. ۇلەستەس كومپانيالاردىڭ ينۆەستيتسيالىق جوبالارىنا اقشالاي قاراجات سالۋدى ۇسىنعان.
ء«وز كەزەگىندە, بۇل ۇلەستەس كومپانيالار زاڭدى قىزمەتتەن ەمەس, جاڭا سالىمشىلاردىڭ قاراجاتى ەسەبىنەن سىياقى الۋعا كەپىلدىك بەرىپ وتىرعان.
سوتقا دەيىنگى تەرگەپ-تەكسەرۋ شەڭبەرىندە قارجى پيراميداسىن ۇيىمداستىرۋشىلار شەتەلدە وتىرىپ, قازاقستاندىقتارمەن بەينەبايلانىس ارقىلى ونلاين كەزدەسۋلەر وتكىزەتىنى, وندا جاڭا كليەنتتەردى تارتۋ مۇمكىندىگى, سونداي-اق ولاردىڭ زاڭدى قىزمەتى تۋرالى جالعان اقپارات تاراتاتىنى انىقتالدى.
تەرگەۋ مۇددەسىنە وراي وزگە اقپارات جاريالانۋعا جاتپايدى», دەلىنگەن حابارلامادا.
اگەنتتىك ازاماتتارعا اباي بولۋدى جانە ءوز جيناقتارىن كۇماندى قارجى ۇيىمدارىنا سالماۋدى, سونداي-اق WBC ۇيىمداستىرۋشىلارىنىڭ جالعان اقپاراتىنا سەنبەۋدى ەسكەرتەدى.
«ەگەر ءسىز نەمەسە ءسىزدىڭ جاقىندارىڭىز «World Business Consulting» قىزمەتىنە تاپ بولسا, الماتى قالاسى ەتد تەلەفونىنا حابارلاسۋىڭىزدى سۇرايمىز +7 775 923 40 90, +7 708 192 28 18.
باسقا قالالاردىڭ تۇرعىندارى قر قما اۋماقتىق ەكونوميكالىق تەرگەپ-تەكسەرۋ دەپارتامەنتتەرىنە جۇگىنە الادى», دەپ جازادى ۆەدومستۆو.