وزبەكستاننىڭ سۋرحانداريا وبلىسىندا اۋعانستاننىڭ بەلگىسى بار ۇشاق قۇلادى, دەپ حابارلايدى Egemen.kz.
Gazeta.uz اقپاراتىنا سايكەس, 15 تامىز كۇنى كەشكە اۋعانستان اۋە كۇشتەرىنىڭ سايكەستەندىرۋ بەلگىلەرى بار ۇشاق سۋرحانداريا وبلىسىنىڭ شەراباد اۋدانىندا اپاتقا ۇشىرادى. عالامتوردا اپاتقا ۇشىراعان ۇشاقتىڭ بولىكتەرى مەن زارداپ شەككەندەردىڭ فوتوسۋرەتى تارادى.
ەلدىڭ قورعانىس مينيسترلىگىنىڭ ءباسپاسوز قىزمەتى جاعدايدى زەرتتەپ جاتقانىن ايتتى.
گازەت دەرەككوزىنىڭ حابارلاۋىنشا, ەكى اۋعان ساربازى اۋرۋحاناعا جاتقىزىلعان.
كەيبىر اقپارات كوزدەرىنىڭ ايتۋىنشا, ۇشاقتاعىلار پاراشيۋتپەن سەكىرىپ ۇلگەرگەن.
ايتا كەتەيىك, 14 تامىزدا وزبەكستان شەكارادان وتكەن 84 اۋعان اسكەري قىزمەتشىسىن ۋاقىتشا قابىلداپ, ولارعا مەديتسينالىق كومەك كورسەتتى.