جۇلدەگەرلەر ماراپاتتالدى

مەملەكەت باسشىسى قاسىم-جومارت توقاەۆتىڭ جارلىعىمەن دزيۋدو سپورتىنىڭ وكىلى ەلدوس سمەتوۆ III دارەجەلى «بارىس» وردەنىمەن, اۋىر اتلەت زۋلفيا چينشانلو ءىى دارەجەلى «دوستىق» وردەنىمەن, بوكسشىلار قامشىبەك قونقاباەۆ پەن ساكەن بيبوسىنوۆ, اۋىر اتلەت يگور سون, تاەكۆوندوشىلار سوفيا بەرۋلتسەۆا مەن دارحان ءاسادىلوۆ جانە ەركىن كۇرەس شەبەرى نۇريسلام ساناەۆ «قۇر­مەت» وردەنىمەن ماراپاتتالدى.

مەملەكەتتىك ناگرا­دا­مەن قاتار, سپورتشىلار مەن ولار­دىڭ جاتتىقتىرۋشىلارىنا قار­جىلاي سىياقى تاپسىرىلدى. اتاپ ايتقاندا, وليمپيادا جۇل­دە­گەرلەرىنە 31 ملن تەڭگە, ال جات­تىق­تىرۋشىلارىنا 25 ملن تەڭگە كولەمىندە سىياقى سەرتيفيكاتى بەرىلدى. سالتاناتتى ءىس-شاراعا بار­لىق جۇلدەگەر مەن باپكەرلەردەن بو­لەك, پرەمەر-ءمينيستردىڭ ورىن­باسارى ەرالى توعجانوۆ, پرە­زيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ قاتىستى.

جيىندا مەملەكەتتىك حاتشى توكيو وليمپياداسى ەلىمىزدەگى سپورت سالاسىنىڭ شىنايى بەت-بەينەسىن انىق كورسەتكەنىن اتاپ ءوتىپ, سپورت سالاسىنا شۇعىل رەفورما قاجەت ەكەنىن ايتتى. بىردە-ءبىر سپورتشىمىزدىڭ التىن نە كۇمىس جۇلدەگە قول جەتكىزە الماۋى ەلدىگىمىزگە سىن بولعانىنا توقتالدى.

– ەڭ اۋەلى, بالالار مەن جاس­وس­پىرىمدەردىڭ دەنە شىنىق­تىرۋ­مەن, سپورتپەن اينالىسۋىن قامتاماسىز ەتۋ قاجەت. وسكە­لەڭ ۇرپاقتىڭ سپورتپەن شۇعىل­دانۋىنا جاعداي جاساماي, ءىرى جارىستاردا جەتىستىككە جەتەمىز دەۋ ابەستىك. سوندىقتان ەلىمىزدىڭ بارلىق ايماقتارىنداعى سپورت مەكتەپتەرى مەن ۇيىرمەلەردىڭ جاعدايىنا تەرەڭ تالداۋ جاسالىپ, ولاردى قولداۋدىڭ كەشەندى جوس­پارى ازىرلەنۋى ءتيىس. حالىقتىڭ سالاماتتى ءومىر سالتىن ۇستانىپ, بۇقارالىق سپورتپەن اينالىسۋىن دامىتقان دۇرىس. سپورتپەن شۇعىلداناتىن حالىقتىڭ سانىن ارتتىرساق, ودان ساپا شىعادى. بۇل دا كەزەك كۇتتىرمەي, جەدەل قولعا الاتىن شارۋانىڭ نەگىزگىسى, – دەدى قىرىمبەك ەلەۋ ۇلى.

سالتاناتتى ءىس-شارا سوڭىندا قازاقستان ۇلتتىق قۇراماسىنىڭ اتىنان ەلدوس سمەتوۆ پەن سوفيا بەرۋلتسەۆا ءسوز سويلەپ, پاندە­مياعا قاراماستان, تىڭعىلىقتى جات­تىعۋ جۇمىسىن جۇرگىزۋگە بار جاع­دايدى جاساعانى ءۇشىن مەم­لەكەت باسشىسىنا العىس ايتتى.