«نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى» مم «ش.بەيسەكوۆا كوشەسىنەن تۇران داڭعىلىنا دەيىنگى ۋچاسكەدەگى №27 كوشەنىڭ قۇرىلىسى» جوباسىن ىسكە اسىرۋ شەڭبەرىندە اسفالتبەتون ورناتادى. بۇل تۋرالى قالا اكىمدىگىنىڭ رەسمي سايتى حابارلادى, دەپ جازادى Egemen.kz.
وسىعان بايلانىستى, 15 تامىزدا ساعات 08:00-دەن 24:00-گە دەيىن تۇران داڭعىلى مەن ۇلى دالا داڭعىلىنىڭ قيىلىسىندا اۆتوكولىك قۇرالدارى ءۇشىن قوزعالىستى ءىشىنارا جابۋ جوسپارلانعان.
سونداي-اق, ۆەدومستۆو حۋسەين بەن تالال كوشەسىندەگى جول توسەمىن جوندەۋ جۇمىستارى باستالعانىن حابارلادى.
15-16 تامىز ارالىعىندا قابانباي باتىر داڭعىلىنان تۇران داڭعىلىنا دەيىنگى جول ءىشىنارا جابىلادى.
«قالا جولدارىندا كەپتەلىس تۋدىرماۋ ءۇشىن ەلوردا تۇرعىندارى مەن قوناقتارى قوزعالىس باعىتىن الدىن الا جوسپارلاۋى قاجەت. كەلتىرىلگەن قولايسىزدىقتار ءۇشىن كەشىرىم سۇراپ, جوندەۋ جۇمىستارىن جۇرگىزۋگە تۇسىنىستىكپەن قاراۋدى وتىنەمىز», دەپ جازادى قالانىڭ كولىك جانە جول-كولىك ينفراقۇرىلىمىن دامىتۋ باسقارماسى.