قازاقستاندىق تەننيسشى ەلەنا رىباكينا مونرەال WTA 1000 تۋرنيرىندە جۇپتىق سىندا جارتىلاي فينالعا شىقتى, دەپ حابارلايدى Egemen.kz قازاقستان تەننيس فەدەراتسياسىنا سىلتەمە جاساپ.
جۇپتىق سىندا ەلەنا رىباكينا مەن رەسەيلىك ۆەرونيكا كۋدەرمەتوۆا نورۆەگيالىق ۋلريككە ەيكەري مەن امەريكالىق كەترين حارريسونمەن كەزدەستى. 56 مينۋتقا سوزىلعان شيرەك فينالدا قارسىلاستارىن 6:0, 6:2 ەسەبىمەن ۇتتى.
ماتچ بارىسىندا ە.رىباكينا مەن ۆ.كۋدەرمەتوۆا 3 ەيس, 5 برەيك جاسادى.
ەندى رىباكينا مەن كۋدەرمەتوۆا جارتىلاي فينالدا كانادالىق گابريەلا دابروۆسكي مەن برازيليالىق لۋيزا ستەفانيمەن تالاسادى.