جامبىل وبلىسىندا بۇگىندە 18 توموگرافيالىق اپپارات جۇمىس ىستەپ تۇر. جۋىردا عانا قورداي, تالاس اۋداندارىنا بۇرىن بولماعان اپپاراتتار قويىلدى. ورتا ەسەپپەن 1 اپپارات تاۋلىگىنە 96 ناۋقاستى تۇسىرسە, ال 14 اپپارات 1344 ادامدى قاراۋعا قاۋقارلى, دەپ حابارلايدى Egemen.kz.
وبلىستىق دەنساۋلىق ساقتاۋ باسقارماسىنىڭ مالىمەتىنشە, الداعى ۋاقىتتا وڭىردەگى مەديتسينالىق مەكەمەلەرگە قوسىمشا تاعى 4قۇرىلعى الۋ جوسپارلانۋدا. سوندىقتان دا حالىققا كومپيۋتەرلىك توموگرافيادان ءوتۋ ءۇشىن ەندى اپتا بۇرىن جازىلىپ, كەزەك كۇتۋدىڭ نەمەسە شالعاي اۋىلدىق ەلدىمەكەننەن وبلىس ورتالىعىنا كەلۋدىڭ قاجەتى جوق. بۇگىندە بارلىق ەمدەۋ مەكەمەلەرىندە بار قۇرىلعىلار حالىققا تاۋلىك بويى, ۇزدىكسىز قىزمەت كورسەتۋدە. كوروناۆيرۋس ىندەتىنە شالدىققان ناۋقاستاردىڭ اۋرۋ دەڭگەيىن انىقتايتىن كومپيۋتەرلىك توموگرافيا قۇرىلعىلارىنىڭ 8-ءى مەملەكەتتىك, 10-ى جەكەمەنشىك مەديتسينالىق ورتالىقتاردا ورنالاسقان.