ساميتوۆ ماجيت ساميت ۇلى قر مەملەكەتتىك حاتشىسى حاتشىلىعىنىڭ مەڭگەرۋشىسى قىزمەتىنە تاعايىندالدى, دەپ حابارلايدى Egemen.kz.
ماجيت ساميت ۇلى ءال-فارابي اتىنداعى قازاق ۇلتتىق ۋنيۆەرسيتەتىن زاڭگەر, قورقىت اتا اتىنداعى قىزىلوردا مەملەكەتتىك ۋنيۆەرسيتەتىن ەكونوميكا جانە مەنەدجمەنت ماماندىقتارى بويىنشا تامامداعان.
ول ءار جىلدارى قر پروكۋراتۋرا ورگاندارىندا, ونىڭ ىشىندە باس پروكۋراتۋرادا ءتۇرلى قىزمەتتەر اتقارعان.
سونداي-اق قىزىلوردا وبلىسى قارماقشى اۋدانى اكىمىنىڭ ورىنباسارى, قر پرەزيدەنتى اكىمشىلىگى باسشىسىنىڭ حاتشىلىعى مەڭگەرۋشىسىنىڭ ورىنباسارى بولعان. وسى كەزگە دەيىن قر مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى قىزمەتىن اتقارىپ كەلدى.