وسكەمەن اۋە ايلاعىن قايتا قۇرۋ جۇمىستارى اياقتالۋعا جاقىن. بۇل تۋرالى شىعىس قازاقستان وبلىسىنىڭ اكىمدىگى حابارلادى, دەپ جازادى Egemen.kz.
اكىمدىكتە اتاپ وتكەندەي, جاقىن كۇندەرى اەرودرومدا جارىق-سيگنالدىق جابدىقتار ورناتىلىپ, تەحنيكالىق قىزمەتتەردىڭ ءبىر بولىگى كوشەتىن عيمارات سالىنادى.
وسكەمەن اۋەجايى 1 مامىردان باستاپ قايتا جاڭارتۋعا جابىلعان. باستاپقىدا جوندەۋ جۇمىستارى 2022 جىلعا دەيىن جالعاسادى دەپ جوسپارلانعان, بىراق كەيىنىرەك مەرزىمدەر قايتا قارالدى.
اۋەجايدى جاڭعىرتۋ بارىسىندا ەسكى ۇشۋ-قونۋ جولاعى جاڭاسىنا اۋىستىرىلدى. سونىمەن قاتار, جولاقتىڭ ۇزىندىعى 2,8 شاقىرىمعا, ەنى 60 مەترگە دەيىن ءوستى. جاڭا سيپاتتامالار باعىتتاردىڭ سانىن ارتتىرۋعا, سونداي-اق جوعارى سىنىپتى ۇشاقتاردى قابىلداۋعا مۇمكىندىك بەرەدى.
«سوڭعى رەت وسكەمەن اۋەجايىن قايتا قۇرۋ سوناۋ 1996 جىلى جۇرگىزىلگەن, سوندىقتان دا جاڭارتۋ ۋاقىت تالابى بولدى. 1 قازاننان باستاپ وبلىس ورتالىعىنىڭ اۋە ايلاعى ءوز جۇمىسىن قايتا باستايدى», دەدى شقو اكىمى دانيال احمەتوۆ نىساندى ارالاعاننان كەيىن.
شقو-عا اۋەجايدى سەرتيفيكاتتايتىن ارنايى كوميسسيا باردى. سونداي-اق ازاماتتىق اۆياتسيا كوميتەتى ماماندارىنىڭ باسشىلىعىمەن جوسپارلى ۇشۋلار قاراستىرىلعان.