الماتى قالالىق پوليتسيا ءبولىمى تۋىستاردىڭ زاڭسىز ارەكەتتەرىن جەدەل جانە ارنايى شارالار كەزىندە انىقتاعان, دەپ جازادى Egemen.kz.
پوليتسەيلەردىڭ نازارىنا, الدىمەن, 22 جاستاعى ا. ەسىمدى ازامات ىلىككەن. ول الاياقتىق قىزمەتتىڭ باسىم بولىگىن ورىنداعان. الەۋەتتى كليەنتتەردى تاۋىپ, تولەم بويىنشا كەلىسسوزدەر جۇرگىزگەن. تولەمدى ەلەكتروندى اۋدارىمدار تۇرىندە قابىلداپ, زاڭسىز ارەكەتىن جۇزەگە اسىرىپ وتىرعان. ودان كەيىنگى ارەكەتى تابىلعان كليەنتتى اپكەسىمەن بايلانىستىرۋ بولعان. قالاداعى پوليكلينيكالاردىڭ بىرىندە مەدبيكە بولىپ جۇمىس ىستەگەن 25 جاستاعى ازاماتشا م., CVI-گە قارسى ەگىلگەندەردىڭ مالىمەتتەر بازاسىنا «ەكپە الدى» دەگەن دەرەكتەردى ەنگىزگەن.
جاۋاپتىلار ازامات م-نىڭ جۇمىس ورنىندا پروتسەسسۋالدىق رۇقسات ەتىلگەن ىزدەۋ جۇرگىزۋ بارىسىندا الاياقتىق ارەكەت بويىنشا ناقتى ايعاقتار تابىلعانىن مالىمدەدى.
ەكى ايىپتالۋشى دا قىلمىستىق جاۋاپكەرشىلىككە تارتىلعانى اتاپ ءوتىلدى.