اتىراۋدا قاباعان ءيتتىڭ تالاۋىنا تۇسكەن 38 ادام دارىگەردىڭ كومەگىنە جۇگىنگەن, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جىل باسىنان بەرى 38 ادامنىڭ يت تالانعانى انىقتالعان.
«اتىراۋ قالاسىندا جىل باسىنان بەرى 38 ادامدى يت قاپقان دەرەگى تىركەلدى. قاباعان ءيتتىڭ تالاۋىنا تۇسكەن ادامدار اۋرۋحاناعا قارالىپ, دارىگەرلەردىڭ مەديتسينالىق كومەگىنە جۇگىنگەن. سونداي-اق, ءيتىن تۇمىلدىرىقسىز الىپ جۇرگەنى ءۇشىن 150-گە تۇرعىن قر اكىمشىلىك قۇقىق بۇزۋشىلىق تۋرالى كودەكسىنىڭ 408-بابىمەن اكىمشىلىك جاۋاپكەرشىلىككە تارتىلدى», دەپ حابارلادى دەپارتامەنتتىڭ ءباسپاسوز قىزمەتى.