بۇگىن, 12 تامىزدا, حالىقارالىق جاستار كۇنى اياسىندا ەل جاستارىن قولداۋعا جانە ولاردى مەملەكەتتىڭ قوعامدىق ومىرىنە تارتۋعا باعىتتالعان 200-دەن استام ونلاين-ءىس-شارا وتكىزۋ جوسپارلانعان. بۇل تۋرالى اقپارات جانە قوعامدىق دامۋ مينيسترلىگى حابارلادى, دەپ جازادى Egemen.kz.
ءىس-شارالار اياسىندا 800 مىڭنان استام جاس قامتىلادى.
بارلىق وبلىس پەن رەسپۋبليكالىق ماڭىزى بار قالادا جاستاردىڭ وزەكتى ماسەلەلەرىن تالقىلاپ, شەشۋ جولىن ۇسىناتىن ءوڭىر اكىمدەرى جانىنداعى كەڭەس وتىرىستارىن, «قايىرىمدى ىستەر مارافونى» جالپىۇلتتىق جوباسى اياسىندا قايىرىمدىلىق ءىس-شارالارىن جانە ۆولونتەرلەردىڭ قاتىسۋىمەن ەكولوگيالىق اكتسيالار وتكىزۋ جوسپارلانعان.
جوو جانە تجكب ۇيىمدارىنىڭ تۇلەكتەرىن, NEET ساناتىنداعى جاستاردى جۇمىسقا ورنالاستىرۋعا ماقساتىندا ۆاكانسيا جارمەڭكەسىن ۇيىمداستىرىلادى. بۇل حالىقارالىق جاستار كۇنى اياسىندا اتقارىلاتىن ماڭىزدى شارانىڭ ءبىرى.
شاراعا قاتىسۋشىلار مەملەكەتتىك قولداۋ تاقىرىبىندا ونلاين-كونسۋلتاتسيا الادى, سونداي-اق موتيۆاتسيالىق جانە قۇقىقتىق داعدىلاردى, كاسىپكەرلىك جانە تسيفرلىق ماشىقتى دامىتۋ تۋرالى ۆەبينارلارعا قاتىسادى.
الەۋمەتتىك جەلىلەردە ەكولوگيا جانە قايىرىمدىلىق ءىس-شارالارى, اعارتۋشىلىق باعىتتاعى چەللەندجدەر ۇيىمداستىرىلادى.
ايتا كەتەيىك, 1999 جىلى جاستار مينيسترلەرىنىڭ دۇنيەجۇزىلىك كونفەرەنتسياسى بۇۇ باس اسسامبلەياسىنا 12 تامىزدى حالىقارالىق جاستار كۇنى دەپ جاريالاۋ تۋرالى ۇسىنىس بىلدىرگەن ەدى. وسىلايشا 2000 جىلدان بەرى جىل سايىن 12 تامىزدا حالىقارالىق جاستار كۇنى اتاپ وتىلەدى.