ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى الەۋمەتتىك جەلىلەردە تاراعان «تابىسى تومەن ازاماتتارعا سۋبسيديا تولەۋ» تۋرالى اقپاراتتىڭ جالعان ەكەنىن ايتتى, دەپ حابارلايدى Egemen.kz.
«مەسسەندجەرلەر مەن الەۋمەتتىك جەلىلەردە تارالىپ جاتقان, جۇمىسسىز ازاماتتار مەن تابىسى تومەن قازاقستاندىقتار 85 400 تەڭگە مولشەرىندە مەملەكەتتىك ەكونوميكالىق سۋبسيديالارعا ءوتىنىم بەرە الاتىندىعى تۋرالى اقپارات شىندىققا جاناسپايدى», دەلىنگەن حابارلامادا.
ەڭبەك جانە حالىقتى الەۋمەتتىك قورعاۋ مينيسترلىگى قازاقستاندا مۇنداي سۋبسيديالار جوق ەكەنىن جەتكىزدى.