قر باس سانيتارىنىڭ قاۋلىسىنا سايكەس, 10 تامىزدا حالىققا قىزمەت كورسەتۋمەن اينالىساتىن قىزمەتكەرلەردى مىندەتتى ۆاكتسينالاۋ مەرزىمى اياقتالادى. الماتى قالاسى سانيتارلىق-ەپيدەميولوگيالىق قىزمەت دەپارتامەنتى تەكسەرىس قاشان باستالاتىنىن ايتتى, دەپ جازادى Egemen.kz.
تەكسەرىس ۆاكتسينانىڭ ەكىنشى كومپونەنتىن الۋ تۋرالى تالاپ اياقتالعان سوڭ, ناقتى ايتقاندا 2021 جىلدىڭ 1 قىركۇيەگىنەن باستاپ جۇرگىزىلەدى.
«ۆاكتسيناتسيا پاسپورتى نەمەسە ۆاكتسينانىڭ ءبىرىنشى كومپونەنتىن العانى تۋرالى انىقتاما; سوڭعى 3 اي ىشىندە تۇراقتى مەديتسينالىق قارسى كورسەتىلىم تۋرالى نەمەسە COVID-19 جۇقتىرىپ, ەمدەلگەنى تۋرالى انىقتاما; ۆاكتسينا الماعان جۇمىسكەرلەر ءۇشىن جەتى كۇن ىشىندە الىنعان پتر-تەست ناتيجەسى تەكسەرىلەدى», دەدى سەقد باسشىسىنىڭ ورىنباسارى سادۋاقاس بايعابۇلوۆ.
ۆاكتسينا الماعاندار قر اقبتك-ءنىڭ 425-بابى بويىنشا جاۋاپقا تارتىلىپ, ايىپپۇل تولەيدى.