بىرلەسكەن مالىمدەمە قابىلداندى

تاراپتار ورتالىق ازياداعى قاۋىپ­سىزدىك پەن تۇراقتىلىقتى ساقتاۋ مەن نىعاي­تۋدىڭ ماڭىزدى فاكتورلارىنىڭ ءبىرى كور­شىلەس اۋعانستانداعى جاعدايدى تەزى­رەك رەتتەۋ ەكەنىن راستادى. ولار اۋعان قوعا­مىندا ازاماتتىق بەيبىتشىلىك پەن كەلى­سىمگە تەزىرەك قول جەتكىزۋگە بارىنشا كو­مەك كورسەتۋگە دايىن ەكەندىكتەرىن ءبىلدىردى.

پرەزيدەنتتەر ءوزارا ساۋدا قۇرۋدىڭ ماڭىزىن جانە ايماقتاعى ساۋدا راسىم­دەرىن وڭايلاتۋ ماسەلەسىن ءتيىمدى شەشۋ ءۇشىن ورتاق ءوزارا ءتيىمدى تاسىلدەردى ودان ءارى دامىتۋ قاجەتتىگىن اتاپ ءوتتى.

تاراپتار ورتالىق ازيا ونەركاسىپ­شىلەرى مەن كاسىپكەرلەرىنىڭ بەسجاقتى كەڭە­سىن قۇرۋ قاجەتتىگىن ايتتى. مەملە­كەتتەر باسشىلارى قازاقستان رەسپۋب­ليكاسى پرەزيدەنتىنىڭ بۇۇ اياسىندا اۋرۋلار جانە بيوقاۋىپسىزدىكتى باقىلاۋ جونىندەگى وڭىرلىك ورتالىقتار جەلىسىن قۇرۋ, سونداي-اق بۇۇ اياسىندا ارنايى كوپ­جاقتى ورگان – بۇۇ قاۋىپسىزدىك كەڭە­سىنە ەسەپ بەرەتىن بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى باستاماسىنا قولداۋ ءبىلدىردى.

تاراپتار عىلىمي ديپلوماتيا ارقىلى ءوزارا ارەكەتتەستىكتى جانداندىرۋعا, مەديتسينا عالىمدارى مەن ءبىلىم سالالارى ماماندارىنىڭ جۇيەلى بايلانىسى ءۇشىن بارلىق قاجەتتى جاعدايدى جاساۋعا كەلىستى.

ورتالىق ازيا ەلدەرىنىڭ باسشىلارى ۆيرۋستار مەن باسقا ينفەكتسيالاردىڭ شىعۋ سيپاتىن, ولار تۋدىراتىن اۋرۋلاردىڭ كورىنۋ فورمالارىن, جۇقپالى اۋرۋلاردى ەمدەۋ مەن الدىن الۋ ادىستەرىن زەرتتەۋدىڭ ايماقتىق مەحانيزمىن قۇرۋ ماسەلەسىن قاراستىرۋدى قاجەت دەپ سانايدى.

سونىمەن قاتار مەملەكەتتەر باسشىلارى سىرتقى ساياسي ۆەدومستۆولارعا 2022-2024 جىلدارعا ارنالعان وڭىرلىك ىنتىماقتاستىقتى دامىتۋ جونىندەگى جول كارتاسى جوباسىن بەكىتۋ جۇمىستارىن جۋىق ارادا اياقتاۋدى, ورتالىق ازيا مەم­لەكەتتەرى باسشىلارىنىڭ كەلەسى كونسۋل­تاتيۆتىك كەزدەسۋىندە XXI عاسىردا ورتالىق ازيانى دامىتۋ ماقساتىندا دوستىق, تاتۋ كورشىلىك جانە ىنتىماقتاستىق تۋرالى شارتقا قول قويۋدى دايىنداۋدى تاپسىردى.