بەلارۋستىڭ قازىرگى پرەزيدەنتى الەكساندر لۋكاشەنكو جاقىندا مەملەكەت باسشىسى قىزمەتىنەن كەتەتىنىن مالىمدەدى. بۇل تۋرالى ول بۇگىن, 9 تامىزدا جۋرناليستەرمەن, قوعام وكىلدەرىمەن, ساراپشىلار مەن مەديا قاۋىمداستىقپەن كەزدەسۋ بارىسىندا ايتتى, دەپ حابارلايدى Egemen.kz بەلتا سايتىنا سىلتەمە جاساپ.
بەلارۋس باسشىسى ءوزىنىڭ ىقتيمال مۇراگەرىنىڭ اتىن اتاۋدان باس تارتىپ, شەشىمدى ەل ازاماتتارى قابىلدايتىنىن ايتتى.
«بەلارۋس حالقى كىمدى سايلايدى, سول پرەزيدەنت بولادى. بۇل شىنىمەن دە سولاي», دەدى ول.