وتكەن جىلى وسكەمەندە «قۋاتتى ايماقتار – قۋاتتى قازاقستان» اتتى پاۆلودار, الماتى, شىعىس قازاقستان جانە قاراعاندى وبلىستارىنىڭ وڭىرارالىق ينتەگراتسيا فورۋمى وتكەنى بەلگىلى. فورۋمدا وبلىستار اراسىنداعى بايلانىستاردى كەڭەيتۋ جانە ءوزارا ءىس-قيمىل تۋرالى بىرنەشە كەلىسىمگە قول دا قويىلدى.
وتكەن جىلى وسكەمەندە «قۋاتتى ايماقتار – قۋاتتى قازاقستان» اتتى پاۆلودار, الماتى, شىعىس قازاقستان جانە قاراعاندى وبلىستارىنىڭ وڭىرارالىق ينتەگراتسيا فورۋمى وتكەنى بەلگىلى. فورۋمدا وبلىستار اراسىنداعى بايلانىستاردى كەڭەيتۋ جانە ءوزارا ءىس-قيمىل تۋرالى بىرنەشە كەلىسىمگە قول دا قويىلدى.ال, كەلەسى كەزەكتە پاۆلوداردا بولىپ وتكەن «جەرگىلىكتى قامتۋدىڭ ءوسۋى – بيزنەستى دامىتۋدىڭ نەگىزى» اتتى وڭىرارالىق فورۋمدا جوعارىدا اتالعان ءتورت وبلىسقا ورتاق ماسەلەلەر تاعى دا نازارعا الىندى. باستى ماقسات – وڭىرلەردىڭ ءوزارا بايلانىسىن ارتتىرۋ جانە قازاقستاندىق ۇلەستى كوبەيتۋ. وتاندىق تاۋار وندىرۋشىلەر اراسىندا قازاقستاندىق ۇلەستى ارتتىرۋ تۋرالى ەلباسى تاپسىرماسى بار. جيىنعا ەلىمىزدىڭ يندۋستريا جانە جاڭا تەحنولوگيالار مينيسترلىگى, وبلىستاردىڭ وكىلدەرى, وڭىرلەردى دامىتۋ ينستيتۋتتارىنىڭ, «قازاقستان تەمىر جولى» ۇك» اق, «قازمۇنايگاز» اق, «سامۇرىق-ەنەرگو» اق, «كەگوك» اق, «قازاتومونەركاسىپ» ۇاك» اق, «قازاقتەلەكوم» اق جانە «قازپوشتا» اق سياقتى جۇيە قۇراۋشى كاسىپورىندار مەن تاۋار وندىرۋشىلەردىڭ وكىلدەرى قاتىستى. وبلىستاردان كەلگەن تاۋار وندىرۋشىلەردىڭ كورمەسى كورسەتىلدى.
جيىن بارىسىندا وتكەن جىلى پاۆلودار وبلىسى اكىمدىگى مەن كاسىپورىندارى اراسىندا قازاقستاندىق ۇلەستى ارتتىرۋ ماقساتىندا 448 ملرد. تەڭگەنىڭ كەلىسىمشارتى جاسالعانى جانە وڭىردە 15 جۇيە قۇراۋشى كاسىپورىن بار ەكەنى ايتىلدى. ماسەلەن, «كاستينگ», «قازەنەرگوكابەل», «كSP Steەl» سەكىلدى كاسىپورىندار بەلسەندىلىكتەرى ايتىلدى. كەلەسى كەزەكتە «قازاقستان تەمىر جولى» ۇك» اق ۆيتسە-پرەزيدەنتى ەرمەك عيزاتوۆ, «قازاتومونەركاسىپ» ۇاك» اق توراعاسىنىڭ ورىنباسارى نۇرلان رىسپانوۆتار ءتورت وبلىس اراسىنداعى ارىپتەستىكتى دامىتۋعا دايىن ەكەندىكتەرىن ايتتى. وبلىس اكىمدىكتەرى مەن «قازاقمىس» كورپوراتسياسى» جشس, «قازاقستان تەمىر جولى» ۇك» اق, «قازاتومونەركاسىپ» ۇاك» اق اراسىندا قازاقستاندىق ۇلەستى دامىتۋداعى ءوزارا ىنتىماقتاستىق جونىندەگى مەموراندۋمعا قول قويىلدى.
يندۋستريا جانە جاڭا تەحنولوگيالار مينيسترلىگى قازاقستاندىق ۇلەستى دامىتۋ دەپارتامەنتىنىڭ ديرەكتورى سەرىك كامەلىنىڭ ايتۋىنشا, فورۋمدا قازاقستاندىق ۇلەستى ارتتىرۋداعى وبلىستاردىڭ مۇمكىندىكتەرى كورىندى. بۇل فورۋمدا «نەنى جاساي الامىز؟», «قولىمىزدان نە كەلمەيدى؟» دەگەن ساۋالدارعا جاۋاپ ىزدەلدى. قازاقستاندىق ۇلەستى ارتتىرۋدا پاۆلودار وبلىسىنىڭ ونىمدەرىن شەتەلگە ەكسپورتتاۋعا بولادى, ال, الماتى وبلىسى اكىمىنىڭ ءبىرىنشى ورىنباسارى اماندىق باتالوۆتىڭ ايتۋىنشا, وڭىرارالىق بايلانىستاردىڭ ەل دامۋىنا قوسار ۇلەسى مول. ماسەلەن, الماتى وبلىسىندا اۋىل شارۋاشىلىعى جاقسى دامىعان. سوعان وراي, پاۆلودار, شىعىس قازاقستان, قاراعاندى وبلىستارىنداعى ءوندىرىس وركەندى. سوندىقتان, ءوزارا بايلانىس وڭىرلەر ءۇشىن ءتيىمدى. ءبىز, الماتىلىقتار, ءۇش وڭىردەن وندىرىسكە قاجەتتى تاۋارلاردى الساق, ولارعا اۋىل شارۋاشىلىعىنا قاجەتتى ونىمدەردى جەتكىزەمىز. وسكەمەندەگى فورۋمدا استانا قالاسىنان ءتورت وبلىستىڭ ونىمدەرىن ساتاتىن ساۋدا ءۇيىن اشۋ تۋرالى جوسپارلانعان كورىنەدى. سوندىقتان جيىن بارىسىندا بۇل جوسپار-جوبا جۇزەگە اسا ما, جوق پا دەگەن سۇراققا جاۋاپ ىزدەلدى. ءسويتىپ, استانادا ساۋدا ءۇيىن سالۋ ماسەلەسى الەۋمەتتىك-كاسىپكەرلىك كورپوراتسيالارعا جۇكتەلدى. الىپ ساۋدا ءۇيىنىڭ بولاشاقتاعى كورىنىسى, قانشا قارجى قاجەتتىگى دە ايتىلدى. قۇجاتتىق جۇمىستار رەتتەلگەننەن كەيىن وبلىستار اراسىندا كەلىسىمشارت جاسالادى. ساۋدا ورتالىعى استانادا وتەتىن ەكسپو-2017 حالىقارالىق كورمەسىنە لايىقتالىپ بوي كوتەرۋى ءتيىس دەگەن شەشىم قابىلداندى. فورۋم بارىسىندا 2014 جىلى ەلىمىزدەگى ۇلتتىق كومپانيالار مەن ءىرى جۇيە قۇراۋشى كاسىپورىنداردىڭ قاجەتتىلىگى ءۇشىن وبلىس تاۋار وندىرۋشىلەرىنىڭ تاۋارلارى, جۇمىستارى مەن قىزمەتتەرىن جەتكىزۋ جونىندەگى حاتتامالار مەن ۇسىنىستار بويىنشا كەزدەسۋلەر ءوتتى. جانە دە «NADLoC» جەرگىلىكتى ۇلەستى دامىتۋ جونىندەگى ۇلتتىق اگەنتتىك» اق, «قازاقستاننىڭ دامۋ بانكى» اق, «قازاقستاننىڭ يندۋستريانى دامىتۋ ينستيتۋتى» اق قاتىسۋىمەن تاۋار وندىرۋشىلەرگە ارنالعان سەمينار-كەڭەس ۇيىمداستىرىلدى.
فاريدا بىقاي,
«ەگەمەن قازاقستان».
پاۆلودار وبلىسى.