شقو-دا قىزمەتتىك يت باقىلاۋ بەكەتى ارقىلى ماريحۋانا وتكىزبەك بولعان ادامدى ۇستادى, دەپ جازادى Egemen.kz Polisia.kz-كە سىلتەمە جاساپ..
پوليتسيا قىزمەتكەرلەرى «قۇقىقتىق ءتارتىپ» جەدەل الدىن الۋ شاراسى بارىسىندا شەمونايحا قالالىق «رۋبەج» ستاتسيونارلىق باقىلاۋ بەكەتىندە Toyota اۆتوكولىگىن توقتاتقان.
اۆتوموبيل سالونىن تەكسەرۋ كەزىندە قىزمەتتىك-ىزدەستىرۋ ءيتى 43 جاستاعى جولاۋشىنىڭ قالتاسىنا بەلسەندى بەلگى بەرگەن. تەكسەرۋ بارىسىندا ودان وسىمدىك تەكتەس, وزىنە ءتان ءيىسى بار قوڭىر-جاسىل ءتۇستى تۇيىنشەك تاركىلەندى. ساراپشىنىڭ قورىتىندىسىنا سايكەس, الىنعان زات سالماعى 3,41 گرامم «كەپتىرىلگەن ماريحۋانا» ەسىرتكىسى بولىپ شىقتى. ۇستالعان ازامات - وسكەمەن قالاسىنىڭ تۇرعىنى. ول بۇل زاتتى ۋبا وزەنىنىڭ جاعاسىنان ءوزى پايدالانۋ ءۇشىن ج ۇلىپ العانىن ءتۇسىندىردى. اتالعان فاكتى بويىنشا قر قك-ءنىڭ 296-بابى 2-بولىگىنە سايكەس سوتقا دەيىنگى تەرگەۋ باستالدى.