جامبىل وبلىسىندا يمامدار مەن مەشىت قىزمەتكەرلەرى جاپپاي ۆاكتسينا سالعىزىپ جاتىر, دەپ حابارلايدى Egemen.kz.
بۇگىن دە ايماقتىڭ باس يمامى باستاعان ءبىر توپ ءدىن وكىلدەرى قالالىق 5-ءشى ەمحانادا ەكپە الدى. جالپى وڭىردە 319 مەشىت بولسا, وندا 450 ادام جۇمىس ىستەيدى. قازىر ولاردىڭ 80 پايىزى ۆاكتسينا العان. دەنى QazVac ەكپەسىن سالدىرۋعا نيەتتى. «بۇل وتاندىق ونىمگە كورسەتكەن قولداۋىمىز ءارى سەنىم ارتۋىمىز», دەيدى ولار.
وبلىستا قاۋىپسىزدىك ماقساتىندا باس سانيتارلىق دارىگەردىڭ قاۋلىسىمەن جۇما نامازى وقىلمايتىن بولىپ شەشىلدى. جالپى ءوڭىر بويىنشا 18 جاستان جوعارى 582 مىڭ ادامدى كوروناۆيرۋس ينفەكتسياسىنا قارسى ۆاكتسيناتسيالاۋ جوسپارلانعان. قازىرگى تاڭدا ول 50 پايىزعا ورىندالىپ وتىر.
«حالىقپەن كوبىرەك يمامدار جۇمىس ىستەيدى. سوندىقتان يمامدار قاۋىمىنا دا كوبىرەك ناسيحات جۇرگىزىپ جاتىرمىز. سەبەبى ءارتۇرلى جاعداي بولادى. بىلتىر يمامداردىڭ اراسىندا ءبىراز ءدىن قىزمەتكەرلەرى دۇنيەدەن وزدى. سوندىقتان دا ءبىز عىلىمنىڭ جەتكەن جەتىستىگىنە امال ەتەيىك دەپ ەكپە سالدىرىپ وتىرمىز. شاريعاتتا دا بۇل ەكپە سالدىرۋدى قۇپتايدى», دەيدى جامبىل وبلىسىنىڭ باس يمامى بەيبىت مىرزاگەلديەۆ.