ارقالىق پوليتسەيلەرى تۇرعىنداردان ءتورت كيىك ءمۇيىزىن تاركىلەدى, دەپ جازادى Egemen.kz Polisia.kz-كە سىلتەمە جاساپ.
2021 جىلعى 4 تامىزدا ارقالىق قالاسى پوليتسيا باسقارماسىنىڭ ۋچاسكەلىك پوليتسيا ينسپەكتورلارى جەرگىلىكتى تۇرعىننىڭ ءوتىنىشى بويىنشا جوعالعان مالدى ىزدەستىردى.
تۇنگى ساعات 03:00-گە جۋىق ءتارتىپ ساقشىلارى دالادا موتوتسيكلمەن ەكىدىڭ اۋىلىنا باعىتتىلعان ەكى ەر ادامدى كوردى. اۋىلعا كىرىپ, اۋلالاردىڭ ءبىرىنىڭ جانىندا پوليتسيا قىزمەتكەرلەرى موتوتسيكلدى بايقادى. ۇيگە ىرگەلەس اۋماقتى تەكسەرۋ بارىسىندا پوليتسيا قىزمەتكەرلەرى جولدوربانىڭ ىشىنەن جانۋاردىڭ ءتورت ءمۇيىزىن (كيىك ءمۇيىزى), سونداي-اق «بايكال» ماركالى مىلتىقتى جانە پاترونداردى تاپتى جانە تاركىلەدى.
قازىرگى ۋاقىتتا اتالعان فاكتى بويىنشا قىلمىستىق كودەكستىڭ 339-بابىنىڭ 1-بولىگى (سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىن, ولاردىڭ بولىكتەرى مەن دەريۆاتتارىن زاڭسىز پايدالانۋ) بويىنشا سوتقا دەيىنگى تەرگەۋ ءجۇرىپ جاتىر. ساراپتاما تاعايىندالدى.
جىل باسىنان بەرى قوستاناي پوليتسەيلەرى 100-دەن استام كيىك ءمۇيىزىن تاركىلەدى, بارلىق فاكتى بويىنشا قىلمىستىق ءىس تىركەلدى.