ۇلىبريتانياداعى ستوك-ون-ترەنت قالاسىندا پوليتسيا قىزمەتكەرلەرى ويىنشىق كولىكتى ماس كۇيىندە ايداعان تۇرعىندى ءبىر جىلعا جۇرگىزۋشى كۋالىگىنەن ايىرىپ, وعان 500 فۋنت ستەرلينگ كولەمىندە ايىپپۇل سالعان. بۇل تۋرالى Rbc.ua حابارلادى.
43 جاسار ريو بيردمور بالاسىنا قۇراستىرىپ بەرگەن ويىنشىق اۆتوكولىگىمەن ۇيىنە قايتىپ بارا جاتىپ پوليتسيا نازارىنا ىلىككەن. بۇعان دەيىن ول جەرگىلىكتى كافە-باردا وتىرىپ, ىشىمدىك ىشكەن كورىنەدى. پوليتسيا قىزمەتكەرلەرى ريو بيردموردى توقتاتىپ, ارنايى پريبورمەن تەكسەرۋ جۇرگىزگەن كەزدە, ونىڭ ىشىمدىك ىشكەنى انىقتالعان.
ءتارتىپ بۇزۋشى وزىنە تىم قاتال جازا بەرىلدى دەپ ەسەپتەيدى. «مەن قايىرىمدىلىق كومەك جاساۋ ماقساتىندا ويىنشىق كولىككە ءمىنىپ, قالا كوشەلەرىمەن ءجۇرىپ ءوتتىم», – دەيدى ريو بيردمور. سول كۇنى ول ونكولوگيالىق اۋرۋلارعا ارناپ, قالا تۇرعىندارىنان 40 فۋنت ستەرلينگ جيناپ شىققان. ادامدار ونىڭ قۇراستىرعان كولىگىمەن سۋرەتكە ءتۇسىپ, قايىرىمدىلىق قورىنا اقشا بەرگەن ەكەن.
ايدار ورىسباەۆ.
دەرەككوز: Rbc.ua
فوتو: Rbc.ua