جول اپاتىندا باتىس قازاقستان وبلىسى شىڭعىرلاۋ اۋدانى اكىمدىگىنىڭ 35 جاستاعى قىزمەتكەرى قازا بولدى. قىزمەتتىك كولىك جولدا اۋدارىلىپ قالعان, دەپ حابارلايدى Egemen.kz.
پوليتسيا دەپارتامەنتى ورال-شىڭعىرلاۋ تاس جولىنداعى اپات 4 تامىزدا بولعانىن حابارلادى.
«اپات سالدارىنان «نيۆا» اۆتوكولىگىنىڭ جولاۋشىسى وقيعا ورنىندا قازا تاپتى. جۇرگىزۋشى جاراقات الدى. قازىرگى ۋاقىتتا فاكت بويىنشا قر قك-نىڭ 345-بابى (جول قوزعالىسى ەرەجەلەرىن بۇزۋ نەمەسە كولىك قۇرالدارىن باسقاراتىن ادامداردىڭ كولىك قۇرالدارىن پايدالانۋ) بويىنشا سوتالدى تەرگەۋ باستالدى. قاجەتتى ساراپتامالار تاعايىندالدى», دەدى بقو پد اكىمشىلىك پوليتسيا باسقارماسىنىڭ باستىعى تيمۋر مايرانوۆ.