بۇگىن, 16 قاڭتار كۇنى شىمكەنتتەگى «قازىعۇرت» شاعىن اۋدانىندا اۆتوبۋس وت قۇشاعىنا ورانىپ, ناتيجەسىندە تۇك قالماي جانىپ كەتتى. بۇل تۋرالى Ras.kz حابارلادى.
«جۇمىسقا اسىققان جولاۋشىلارعا تولى №111 باعىتتاعى اۆتوبۋس وسى شاعىن اۋدانداعى «نۇر» دۇكەنىنە جەتەر-جەتپەس جانىپ كەتكەن», – دەلىنگەن حابارلامادا.
تاڭعى ساعات 7-دە وقىس وقيعاعا تاپ بولعان قوعامدىق كولىكتىڭ نەلىكتەن ورتكە ورانعانى ازىرگە بەلگىسىز. بەيرەسمي ەمەس مالىمەتتەرگە قاراعاندا, ءورت اۆتوبۋستىڭ ەلەكتر جەلىلەرىنىڭ تۇيىقتالۋىنان شىققان بولۋى ىقتيمال.
كۋاگەرلەردىڭ ايتۋىنشا, جولاۋشىلار اراسىندا ەشكىم زارداپ شەكپەگەن, ءورت باستالعاننان بارلىعى ءدىن-امان اۆتوبۋستان شىعىپ ۇلگەرگەن.
وقىس وقيعادان جەرگىلىكتى توتەنشە جاعدايلار دەپارتامەنتىنىڭ ءورت سوندىرۋشىلەرى حابارسىز بولىپ شىقتى. قازىرگى تاڭدا ورتتەن تەك قاڭقاسى عانا قالعان قوعامدىق كولىكتى ءتارتىپ ساقشىلارى ەۆاكۋاتوردىڭ كومەگىمەن وقيعا ورنىنان الىپ كەتتى.
حاميت مۇستافا.
دەرەككوز: Ras.kz
فوتو: Ras.kz.