توكيو وليمپياداسىندا بوكستان 52 كەلى سالماقتاعى جارتىلاي فينالدىق جەكپە-جەك اياقتالدى. قازاقستاندىق ساكەن بيبوسىنوۆ تورەشىلەر شەشىمىمەن قارسىلاسىنا جول بەردى, دەپ جازادى Egemen.kz Olympic.kz-كە سىلتەمە جاساپ.
كەزدەسۋدىڭ ءبىرىنشى راۋندىندا ساكەن نوكداۋن الىپ, بريتاندىق دجالال يافاي ايقىن باسىمدىقپەن العا شىقتى.
ەكىنشى راۋندتا بەس تورەشىنىڭ ۇشەۋى عانا بيبوسىنوۆتىڭ باسىمدىعىن مويىنداعان. شەشۋشى ءۇشىنشى راۋند قورىتىندىسى بويىنشا 3:2 ەسەبىمەن ۇلىبريتانيالىق دجالال يافاي جەڭىسكە جەتتى.
وسىلايشا, ساكەن بيبوسىنوۆ توكيو وليمپياداسىنىڭ قولا جۇلدەگەرى اتاندى.