قازاقستان رەسپۋبليكاسىنىڭ مادەنيەت جانە اقپارات ءمينيسترى مۇحتار قۇل-مۇحاممەد ۇجىمعا قر ۇكىمەتىنىڭ قاۋلىسىمەن تاعايىندالعان ۆيتسە-مينيستر جاناي وماروۆتى تانىستىردى. بۇل تۋرالى مادەنيەت جانە اقپارات مينيسترلىگىنىڭ رەسمي سايتى حابارلادى.
جاناي سەيتجان ۇلى وماروۆ, 1955 جىلى الماتى قالاسىندا تۋعان, ۇلتى قازاق, ءبىلىمى جوعارى, فيلوسوفيا عىلىمدارىنىڭ كانديداتى.
1977 جىلى م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن فيلوسوفيا ماماندىعى بويىنشا بىتىرگەن. 1980-1997 جىلدار ارالىعىندا ەلىمىزدىڭ جوعارعى وقۋ ورىندارىندا (قازپتي, قازمۋ) وقىتۋشىلىق جانە عىلىمي قىزمەتتەرمەن اينالىستى.
1998 - 1999 جىلدارى الماتى قالالىق اقپارات جانە قوعامدىق كەلىسىم باسقارماسىنىڭ باستىعى, «يميدج-ۋسپەح» اقپاراتتىق-تالداۋ ورتالىعىنىڭ باس ديرەكتورى, قر پرەزيدەنتىنە ۇمىتكەر ن.ءا. نازارباەۆتى قولداۋ قوعامدىق شتابىنىڭ ۇگىت-ناسيحات توبىنىڭ جەتەكشىسى - ءباسپاسوز حاتشىسى قىزمەتتەرىن اتقاردى.
1999 – 2001 جىلدارى مادەنيەت, اقپارات جانە قوعامدىق كەلىسىم مينيسترلىگىنىڭ بۇقارالىق اقپارات قۇرالدارى دەپارتامەنتىنىڭ ديرەكتورى, 2001-2004 جىلدار ارالىعىندا قازاقستان رەسپۋبليكاسى پرەزيدەنتىنىڭ ءباسپاسوز حاتشىسى, قر پرەزيدەنتى اكىمشىلىگى اقپاراتتىق-تالداۋ ورتالىعىنىڭ مەڭگەرۋشىسى, ىشكى ساياسات باسقارماسىنىڭ قوعاممەن جانە باسپاسوزبەن بايلانىس ءبولىمىنىڭ مەڭگەرۋشىسى لاۋازىمدارىندا قىزمەت ەتتى.
2004-2007 جىلدارى «قازاقپارات» ۇك» اق پرەزيدەنتى, 2007-2008 جىلدارى «قازاقستان تۋدەي» اگەنتتىگى» اق باسپا ءۇيىنىڭ باس ديرەكتورى, «كاراۆان» گازەتىنىڭ باس رەداكتورى بولدى. 2008-2011 جىلدارى «قازاقستان» رترك» اق باسقارما توراعاسى بولىپ جۇمىس ىستەدى. 2011 جىلعى شىلدە ايىنان باستاپ «كازاحستانسكايا پراۆدا» رەسپۋبليكالىق گازەتى» اق باسقارما توراعاسى بولىپ قىزمەت ەتتى.
دانيار تۇيمەباي.
دەرەككوز: مادەنيەت جانە اقپارات مينيسترلىگىنىڭ رەسمي سايتى
فوتو: مادەنيەت جانە اقپارات مينيسترلىگىنىڭ رەسمي سايتى.