قازاقستان پرەزيدەنتى نۇرسۇلتان نازارباەۆ ءوز جارلىعىمەن «ا» كورپۋسى مەملەكەتتىك اكىمشىلىك قىزمەتشىلەرىنە روتاتسيا جۇرگىزۋ قاعيدالارىن بەكىتتى. بۇل تۋرالى Ras.kz حابارلادى.
ەرەجەگە سايكەس, «ا» كورپۋسى قىزمەتشىلەرىنە جوسپارلى روتاتسيا جاساۋ پرەزيدەنت جانىنداعى كادر ساياساتى جونىندەگى ۇلتتىق كوميسسيانىڭ كەپىلدەمەسى نەگىزىندە ۋاكىلدى تۇلعالارعا جاسالادى. ول تەك ەل پرەزيدەنتى «ا» كورپۋسىنا تاعايىنداعان نەمەسە ورنىنان بوساتقان كادرلارعا عانا قولدانىلمايدى.
ۋاكىلدى تۇلعالار ءوزىنىڭ «ا» كورپۋسىندا قىزمەت ەتۋ جونىندەگى ەڭبەك كەلىسىم-شارتىنىڭ مەرزىمى بىتۋگە كەمىندە 4 اي قالعان شامادا ۋاكىلەتتى ورگانعا مىنا ۇسىنىستاردىڭ ءبىرىن تاپسىرادى: 1) «ا» كورپۋسىندا قىزمەت ەتۋ جونىندەگى كەلىسىم-شارتتىڭ مەرزىمىن ۇزارتۋ; 2) «ا» كورپۋسىندا قىزمەت ەتۋ جونىندەگى كەلىسىم-شارتتى بۇزۋ; 3) «ا» كورپۋسىنداعى قىزمەتتە روتاتسيا جاساۋ. بۇلار جارلىق ماتىنىندە كەلتىرىلگەن.
سادىق ساپار.
دەرەككوز: Ras.kz
فوتو: Ras.kz.