اقمولا وبلىستىق ونكولوگيالىق ديسپانسەرىنىڭ دارىگەرلەرى تۋبەركۋلەزدى قاتەرلى ىسىكپەن شاتاستىردى. وسىنىڭ سالدارىنان جاس قىز كەمتار بولىپ قالدى. بۇل تۋرالى Gazeta.kz حابارلادى.
زارداپ شەككەن ايگۇلدىڭ ءوزى مەيىربيكە ەكەن. وسىدان جارتى جىل بۇرىن ونىڭ كەۋدە تۇسىندا تۇيىنشەك پايدا بولىپ, دارىگەرلەرگە قارالىپتى. ال ونكولوگيا ديسپانسەرىندە قىزمەت جاسايتىندار راكتىڭ 3-ءشى ساتىسى دەگەن دياگنوز قويعان. سوسىن سول جەردە حيمياتەراپيا الادى.
«حيمياتەراپيانىڭ ءار كۋرسى ناتيجەسىز بولدى. ىسىك ۇلكەيىپ, ءىرىڭ شىعا بەرگەن سوڭ, بۇل جايدى حيمياتەراپيامەن ەمدەۋشى لەيلا ايدارحانقىزىنا ەسكەرتتىم. الايدا, ول قولىنىڭ بوس ەمەستىگىن العا تارتىپ, مەنىڭ سوزىمە قۇلاق اسپادى», - دەيدى جابىرلەنۋشى ايگۇل.
كىمگە سەنەرىن بىلمەگەن ايگۇل الماتىداعى ونكولوگيا ورتالىعىنا بارادى. ونداعى دارىگەرلەر سىرقات جاندى جان-جاقتى تەكسەرۋدەن وتكىزدى.سويتسە, ونىڭ كەۋدەسىندەگى ءىرىڭ (ماستيت) ابدەن كەۋلەپ, تۋبەركۋلەزگە شالدىعۋىنا اكەلىپ سوققان ەكەن. ءارى شاشى ءتۇسىپ, ويلاۋ قابىلەتى ناشارلاعان.
بۇل جايتتى تەكسەرگەن مەديتسينالىق باقىلاۋ باسقارماسى 3 دارىگەرگە سوگىس جاريالاۋمەن عانا شەكتەلىپتى. دەگەنمەن, ءىستىڭ اق-قاراسىن قۇقىق قورعاۋ قىزمەتكەرلەرى تەكسەرۋدە.
باقىتبەك كەنەش ۇلى.
دەرەككوز: Gazeta.kz
فوتو: Medhaus.ru.