قازاقستاننىڭ دەپوزيتتەرگە كەپىلدىك بەرۋ قورى اگەنت بانكپەن «استانا بانكى» اق سالىمشىلارىنا كەپىلدىك بەرىلگەن وتەمدى تولەۋ مەرزىمىن 2022 جىلعى 1 مامىرعا دەيىن ۇزارتۋ تۋرالى كەلىسىمگە قول قويدى, دەپ حابارلايدى Egemen.kz NewTimes.kz سايتىنا سىلتەمە جاساپ.
2022 جىلدىڭ 1 مامىرىنان كەيىن «استانا بانكى» اق سالىمشىلارى بۇرىنعىداي تىكەلەي قدكبق تولەۋگە ءوتىنىش بەرە المايتىن بولادى. زاڭنامالىق وزگەرىستەرگە سايكەس, تالاپ ەتىلمەگەن سوما دەپوزيتوردىڭ جەكە زەينەتاقى شوتىنا اۋدارىلادى.
قوردىڭ بارلىق سالىمشىلار الدىنداعى تولەمنىڭ قالدىعى شامامەن 401,9 ميلليون تەڭگەنى قۇرايدى. وسىعان بايلانىستى, قور كەپىلدىك بەرىلگەن وتەمدى الۋعا ءوتىنىش بىلدىرمەگەن بارلىق سالىمشىلار ءۇشىن اگەنت بانك ارقىلى تولەم مەرزىمىن 2022 جىلعى 1 مامىرعا دەيىن ۇزارتتى.
«205 مىڭنان استام سالىمشى تولەم الۋعا ءالى ءوتىنىش بەرگەن جوق. 165 786 سالىمشىنىڭ 1 مىڭ تەڭگەدەن از اقشا قالدىعى بولسا, 30 015 سالىمشىنىڭ 1 مىڭنان 5 مىڭ تەڭگەگە دەيىن, 4 766 سالىمشىنىڭ 5 مىڭنان 10 مىڭ تەڭگەگە دەيىن قالعانى بار», دەلىنگەن قوردىڭ ءباسپاسوز قىزمەتىنىڭ حابارلاماسىندا.
كەپىلدىك مولشەرى ۇلتتىق ۆاليۋتاداعى دەپوزيتتەر بويىنشا 10 ميلليون تەڭگەدەن جانە شەتەل ۆاليۋتاسىنداعى دەپوزيتتەر بويىنشا 5 ملن تەڭگەگەدەن اسپايدى.