جۇما كۇنى مولدوۆا پرەزيدەنتى مايا ساندۋ ناتاليا گاۆريليتسانى ەلدىڭ پرەمەر-ءمينيسترى ەتىپ تاعايىنداۋ تۋرالى جارلىققا قول قويدى. بۇل تۋرالى ساندۋ الەۋمەتتىك جەلىدە حابارلادى, دەپ جازادى Egemen.kz انادولى اگەنتتىگىنە سىلتەمە جاساپ.
«بۇگىن پارلامەنتتىك فراكتسيالارمەن كونسۋلتاتسيالاردان كەيىن مەن ناتاليا گاۆريليتسانى رەسپۋبليكانىڭ پرەمەر-ءمينيسترى قىزمەتىنە تاعايىنداۋ تۋرالى جارلىققا قول قويدىم. گاۆريليتساعا ەكى اپتادا كوماندا قۇرىپ, ۇكىمەتتىك باعدارلامانى ازىرلەپ, ونى پارلامەنتكە ۇسىنۋعا بولادى», دەدى مەملەكەت باسشىسى.
ساندۋ تاعايىندالعان پرەمەر-مينيستر كاسىبي توپ قۇراتىندىعىنا جانە ەڭ كوپ دەگەندە ەكى اپتا ىشىندە مولدوۆا رەسپۋبليكاسىندا جاڭا ۇكىمەت قۇرىلاتىنىنا سەنىم ءبىلدىردى.