الماتى وبلىسىنداعى سىبايلاس جەمقورلىققا قارسى قىزمەت تالدىقورعان مونيتورلىق توبى مۇشەلەرىنىڭ رەستوراتورلاردان پارا العانىن انىقتادى, دەپ حابارلايدى Egemen.kz سىبايلاس جەمقورلىققا قارسى قىزمەتتىڭ Telegram كانالىنا سىلتەمە جاساپ.
ء«بولىم باستىعى ءوزىنىڭ قاراماعىنداعى باس مامانمەن كەلىسە وتىرىپ, COVID-19 كوروناۆيرۋستىق ينفەكتسياسىمەن كۇرەسۋ بويىنشا داعدارىسقا قارسى شارالار كەزىندە, جاپپاي ادامدارمەن ءىس-شارالار ۇيىمداستىرۋعا جانە وتكىزۋگە تىيىم سالىنعانىنا قاراماستان, جۇيەلى تۇردە پارا العان. ولار كارانتين تالابى بۇزعان رەستوران يەلەرى مەن ساۋداگەرلەرگە اكىمشىلىك جازا قولدانۋدىڭ ورنىنا 20 مىڭنان 270 مىڭ تەڭگەگە دەيىن پارا الىپ وتىرعان.
سونداي-اق, 5 مەيرامحانا اكىمشىسى پارا بەرگەنى ءۇشىن جاۋاپقا تارتىلادى.
شەنەۋنىكتەر ۋاقىتشا ۇستاۋ يزولياتورىندا. تەرگەۋ ءجۇرىپ جاتىر.
قر قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى», دەپ جازىلعان حابارلامادا.
ەستەرىڭىزگە سالا كەتەيىك, 2 تامىزدان باستاپ بىرقاتار وڭىردە كارانتين كۇشەيتىلەدى.