ايىپپۇل كولەمى – 92 ملن تەڭگە

ناقتىراق ايتقاندا, يمپورتقا فيتو­سانيتارلىق باقىلاۋ جۇرگىزگەن ينس­پەك­تورلار وسىمدىكتەر كارانتينى سالاسىن­­دا 1 723 بۇزۋشىلىقتى انىقتاعان. بۇعان قوسا 1 406 جەكە جانە زاڭدى تۇلعالار اكىمشى­لىك جاۋاپكەرشىلىككە تارتىلىپ, ولارعا 92 401 241,0 تەڭگە كولە­مىندە ايىپپۇل سالىندى.

ازەربايجاننان جەتكىزىلگەن قىزاناق جەمىستەرىنە كارانتيندىك فيتو­ساني­تارلىق باقىلاۋ جۇرگىزۋ كەزىن­دە 17-سىندە Tomato brown rugose cfruit virus (ToBRFV) ۆيرۋسى انىقتالدى. وسىعان بايلا­نىستى كوميتەت تاراپىنان ازەربايجان اۋماعىنان قىزاناق جەمىس­تەرىن اكەلۋگە شەكتەۋ تۇرىندە ۋاقىت­شا كارانتين­دىك فيتوسانيتارلىق شارا ەنگىزىلدى. «زاڭنامالاردى باسشىلىققا الا وتىرىپ جانە ازەربايجان رەسپۋب­لي­كاسىنىڭ ازىق-ت ۇلىك قاۋىپسىزدىگى جونىن­دەگى اگەنتتىگىنەن كەلىپ تۇسكەن كارانتينگە جاتقىزىلعان ءونىمدى قازاقستان اۋماعىنا اكەلۋ تۋرالى قابىلدانعان اقپاراتى نازارعا الىنىپ, 2021 جىلدىڭ 21 قاڭتارىنان وسى شەكتەۋ الىنىپ تاستالدى. سونداي-اق جىل باسىنان بەرى تۇرىكمەنستاننىڭ وسىمدىكتەر كاران­تينى جونىندەگى مەملەكەتتىك قىزمەتىنىڭ فيتوسانيتارلىق سەرتيفيكاتتارىنىڭ سۇيەمەلدەۋىمەن قازاقستانعا جەتكىزى­لەتىن قىزاناقتارعا كارانتيندىك فيتو­سانيتارلىق باقىلاۋ جۇرگىزۋ كەزىندە «قوڭىر ءاجىم» ۆيرۋسىنىڭ (Tomato brown rugose fruit virus (ToBRFV) 19 دەرەگى انىق­تالعان, دەلىنگەن ءباسپاسوز حابارلاماسىندا.

«ەگەمەن-اقپارات»