تاجىكستان پرەزيدەنتىنىڭ جيەندەرى دەنساۋلىق ساقتاۋ ءمينيسترىنىڭ باسشىسىن اناسى كۆي-دەن قايتىس بولعاننان كەيىن ۇرىپ تاستاعان, دەپ حابارلايدى Egemen.kz zakon.kz سايتىنا سىلتەمە جاساپ.
تاجىكستان باسشىسىنىڭ اپكەسىن كوروناۆيرۋستان ەمدەۋ ءۇشىن گەرمانيادان, رەسەيدەن جانە وزبەكستاننان ماماندار شاقىرىلدى.
ىشكى ىستەر مينيسترلىگى مەن دەنساۋلىق ساقتاۋ مينيسترلىگىنىڭ دەرەككوزدەرىنىڭ حابارلاۋىنشا, راحمونوۆانىڭ ولىمىنەن ەكى ساعات بۇرىن شەتەلدىك ساراپشىلار تاجىك دارىگەرلەرى «ناۋقاسقا قاتە ەم جاساعان» دەپ مالىمدەگەن.
«كۋربونبي راحمونوۆانىڭ بالالارى فاحريددين, فاررۋح جانە زيەدالي سافاروۆتار انالارى قايتىس بولعاننان كەيىن دارىگەرلەرگە جانە قازىرگى مەديتسينالىق قىزمەتكەرلەرگە شابۋىل جاساعان. ولاردى تەك پرەزيدەنتتىڭ ۇلكەن ۇلى رۋستام ەمومالي عانا تىنىشتاندىرا العان», دەپ جازىلعان دەرەك كوزدە.
كۋربونبي راحمونوۆا 20 شىلدەدە مەملەكەت باسشىسىنىڭ اتقارۋ كەڭسەسى جانىنداعى مەديتسينالىق ورتالىقتا قايتىس بولدى.
دەنساۋلىق ساقتاۋ مينيسترلىگىنىڭ باسشىسى دجاموليددين ابدۋللوزودا مەن مەديتسينالىق ورتالىقتىڭ باسشىسى حولماحماد راحيمزودا باسىنان جاراقات العان. باسقا دارىگەرلەر جەڭىل جاراقاتتانعان.
پرەزيدەنتتىڭ اپكەسى قايتىس بولعاننان كەيىن ىشكى ىستەر مينيسترلىگى تەكسەرۋدى باستادى, بىراق ازىرگە ەشكىم ۇستالعان جوق.