ەلورداداعى جابىق ساۋدا ورىندارى وزگە كاسىپكەرلىك نىساندارى سەكىلدى Ashyq جوباسىنا قوسىلادى. بۇل كوروناۆيرۋستىڭ تارالۋ قاۋپىن ازايتۋعا, قىزمەتكەرلەر مەن كەلۋشىلەردى قورعاۋعا جانە نىساننىڭ قىزمەتىن جالعاستىرۋعا مۇمكىندىك بەرەدى, دەپ حابارلايدى Egemen.kz قالا اكىمدىگىنە سىلتەمە جاساپ.
جوباعا قوسىلعاندار قاتارىندا «اسەم», «الەم» ساۋدا ورتالىقتارى, «ەتالون» قۇرىلىس بازارى بار. «شاپاعات», «سارىارقا» جانە وزگە دە ساۋدا ورىندارى جوبا جۇمىسىنا قوسىلۋعا دايىندىق ۇستىندە.
بۇگىندە ەلوردادا Ashyq جوباسىنا 2 200-دەن استام كاسىپكەرلىك سۋبەكتىسى تىركەلگەن. جوباعا قاتىساتىن كاسىپكەرلەر قاتىسۋ شارتتارىن ساقتاۋى ءتيىس: ستاتۋسىن انىقتاعاننان كەيىن عانا كەلۋشىلەردى ىشكە جىبەرۋى ءتيىس. ال مونيتورينگ توپتارى نىسانداردىڭ سانيتارلىق نورمالاردى جانە شەكتەۋ شارالارىن ساقتاعانىن جۇيەلى تۇردە تەكسەرىپ تۇرادى.
سونىمەن قاتار, Ashyq جوباسىنىڭ ارقاسىندا 18 تۇرعىن «قىزىل ستاتۋسى» بولا تۇرا قوعامدىق ورىندارعا بارۋعا تىرىسقانى ءۇشىن اكىمشىلىك جاۋاپكەرشىلىككە تارتىلدى.
وسىلايشا, كاسىپكەرلەر Ashyq جوباسىنىڭ ماڭىزدىلىعىن اتاپ ءوتتى.