2021 جىلدىڭ 6 ايىندا ترانزيتتىك قاتىناستاعى كونتەينەرلىك تاسىمالداردىڭ كولەمى 530 مىڭ جفە استى, بۇل 2020 جىلدىڭ سايكەس كەزەڭىندەگى كورسەتكىشتەرمەن سالىستىرعاندا 44% ارتىق. ورتالىق كوممۋنيكاتسيالار قىزمەتىندە وتكەن بريفينگتە قر يدم كولىك كوميتەتى توراعاسىنىڭ ورىنباسارى جانىبەك تايجانوۆ وسىنداي مالىمەتتەردى جاريا ەتتى, دەپ جازادى Egemen.kz.
بۇگىنگى تاڭدا COVID-19 پاندەمياسى اسەرىنەن ورىن العان وزگەرىستەردى ەسكەرە وتىرىپ, جۇكتەردى «ەسىكتەن ەسىككە دەيىن» شارتىمەن جەتكىزۋ تاسىمالداۋدى ۇيىمداستىرۋدا ماڭىزدى تارماققا اينالدى. جوعارىدا كورسەتىلگەن شارتتار بويىنشا جۇكتەردى جەتكىزۋدىڭ ەڭ ءتيىمدى تاسىلدەرىنىڭ ءبىرى كونتەينەرلىك تاسىمالداۋ. 2013 جىلى قىتاي ء«بىر بەلدەۋ, ءبىر جول» باستاماسىن جاريالاعاننان كەيىن وزەكتى بولعان كونتەينەرلىك اعىندار ءۇشىن كۇرەس ءۇردىسى جىل سايىنعى ءوسىمدى كورسەتەتىن ترانسكونتينەنتالدىق تاسىمالداردىڭ دامۋىنا ءوز ۇلەسىن قوستى.
ۆەدومستۆو وكىلىنىڭ ايتۋىنشا, وسىعان بايلانىستى سوڭعى جىلدارى ترانزيتتىك كونتەينەرلىك جۇكتەر اعىنى ءۇشىن كۇرەس كۇشەيتىلىپ, ترانزيتتىك دالىزدەردىڭ تارتىمدىلىعىن ارتتىرۋ بويىنشا شارالار قابىلدانۋدا.
ءى جارتىجىلدىقتىڭ قورىتىندىسى بويىنشا بارلىق قاتىناستاردى ەسكەرە وتىرىپ, كونتەينەرلىك جۇكتەردى تەمىر جول كولىگىمەن تاسىمالداۋ كولەمى 800 مىڭنان استام جفە قۇرادى. ءوسىم - 36%. ونىڭ ىشىندە ترانزيتتىك كونتەينەرلىك تاسىمالدار 44%-عا ۇلعايىپ, 530 مىڭنان استام جفە قۇرادى. جىل سوڭىنا دەيىنگى جوسپار – 1 ملن جفە. 2025 جىلعا دەيىن بۇل كورسەتكىشتى 1,6 ملن جفە دەيىن جەتكىزۋ كوزدەلگەن.