جول اپاتى 25 شىلدەدە بولعان, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
پوليتسيا دەپارتامەنتىنىڭ مالىمەتىنشە, ۆاز 21115 جۇرگىزۋشىسى ەرماكوۆ كوشەسىندەگى تۇراقتا ارتقا قاراي جۇرگەن كەزدە 71 جاستاعى ايەلدى قاعىپ كەتكەن.
- ەر ادام جول-كولىك وقيعاسى بولعان جەردەن جاسىرىنعان, ال زارداپ شەككەن ادام دارىگەرلەرگە جۇگىنگەن. تەكسەرۋدەن كەيىن ايەل ادام ۇيگە جىبەرىلدى, - دەدى دەپارتامەنتتە.وقيعا ورنىنان قاشىپ كەتكەن وبلىس ورتالىعىنىڭ 64 جاستاعى تۇرعىنى بولىپ شىقتى. پوليتسەيلەر كولىكتى ايىپ تۇراعىنا جىبەرىپ, ساراپتاما تاعايىندادى.جكو ورنىن قالدىرعان جۇرگىزۋشى قر اكىمشىلىك كودەكسىنىڭ 611-بابىنىڭ ەكىنشى بولىگى بويىنشا جاۋاپكەرشىلىككە تارتىلادى. ءتارتىپ بۇزۋشىعا 50 اەك (145 850 تەڭگە) ايىپپۇل سالىنادى نەمەسە ءبىر جىلعا جۇرگىزۋشى كۋالىگىنەن ايىرىلادى. قانداي جازا تاعايىندالاتىنى سوتتا شەشىلەدى.