سانيتارلىق تالاپتار ساقتالدى

– اۋىل اكىمىنىڭ سايلاۋىنا ساياسي پارتيالاردان (Nur Otan – 15, «اۋىل» حدپپ – 5, اDAL ساياسي پارتياسى – 2, قحپ – 2) 24 ۇمىتكەر ۇسىنىلدى. ءوزىن ءوزى ۇسىنعان ۇمىتكەرلەر سانى – 28.  ءۇش وكرۋگتە 2 (اتىراۋ قالا­سىنىڭ قايىرشاحتى, قۇرمان­عازى اۋدانىنىڭ سافون, تەڭىز اۋىلدىق وكرۋگتەرى), 1 وكرۋگتە  (ماحامبەت اۋدانىنىڭ ساراي­شىق اۋىلدىق وكرۋگى) 4, ال 14 وكرۋگتە 3 ۇمىتكەردەن تىركەلدى. سايلاۋ بيۋللەتەندەرى جالپى سايلاۋشىلار سانىنىڭ ءبىر پايى­زىنا  ارتىعىمەن دايىندالىپ, سايلاۋ وكرۋگتەرىنە, ۋچاسكەلەرگە جەتكىزىلدى, – دەيدى ازامات اي­ماناكۋموۆ.

ونىڭ ايتۋىنشا, سايلاۋشىلار تىزىمىنە 44 305 سايلاۋشى ەنگىزىلگەن. سايلاۋ ۋچاسكەلەرى قۇرىلماعان 12 ەلدى مەكەندە داۋىس بەرۋدى ۇيىم­داستىرۋ ماسەلەسى شەشىمىن تاپ­قان. ەڭ شالعايداعى سايلاۋ ۋچاس­كەلەرى قۇرمانعازى اۋدانىنىڭ ورتا­لىعىنان 180 شاقىرىم قاشىق­تىقتاعى اسان اۋىلدىق وكرۋگىندە ورنالاسقان.

اتىراۋ قالاسىنا تاياۋ ورنا­لاسقان دامبى اۋىلىندا اكىم سايلاۋىنا جەتى ۇمىتكەر ۇسى­نىل­عان­ىمەن, ونىڭ ۇشەۋى عانا تىر­­كەۋ­دەن ءوتتى. سول ۇشەۋدىڭ بىرىنە 1 891 ساي­لاۋشى تاڭداۋ جاسا­دى. وسىن­داعى امانگەلدى اتىن­­دا­عى مەك­تەپكە ورنالاسقان №68 ساي­­لاۋ ۋچاسكەسىندەگى سايلاۋ كوميس­سيا­سىنىڭ حاتشىسى مەرەكە تايروۆتىڭ مالىمەتىنشە, بۇل اۋىلدا 3 600-دەن استام تۇرعىن بار.

– سايلاۋ ۋچاسكەسى تاڭعى ساعات 7:00-دە اشىلدى. سايلاۋ ۋچاسكەسى اشىل­عان ساتتە العاشقى بولىپ اۋىل­دىڭ 45 جاستاعى تۇرعىنى البەرت ماشقاليەۆ ءوزى تاڭداعان ۇمىتكەرگە داۋىس بەردى, – دەيدى مەرەكە تايروۆ.

اۋىلداعى سايلاۋ ۋچاسكەسىن­دە سايلاۋشىلاردىڭ جاسىرىن داۋىس بەرۋى ءۇشىن بەس كابينا ورناتى­لىپتى. ال مۇمكىندىگى شەكتەۋ­لى جان­دارعا ارنالعان تاعى ءبىر كابي­نا جابدىقتالعان. مۇندا اراقا­شىقتىقتى ساقتاۋ جونىندەگى نۇسقاۋ­لىقتار ىلىنگەن. سايلاۋ ۋچاسكەسىنىڭ كىرەبەرىسىندە سايلاۋشىلاردىڭ دەنە قىزۋى ولشەندى. سودان سوڭ سايلاۋشىلار Ashyq جۇيەسىندەگى QR كود ارقىلى ءوتتى. سايلاۋشىلار داۋىس بەرگەن سوڭ باسقا ەسىك ارقىلى سىرتقا شىقتى.

– ءبىز سايلاۋ ۋچاسكەسىنە كەلە المايتىن, مۇمكىندىگى شەكتەۋلى نەمەسە ەگدە جاستاعى تۇرعىن­دار ءۇشىن ارنايى وكىلدى ۇيىنە جىبەرىپ, داۋىس بەرۋىنە مۇمكىندىك جاسادىق. سونداي سايلاۋشىلاردان 36 ءوتىنىش ءتۇستى. تۇسكى ساعات 12-گە دەيىن تۇر­عىن­داردان تۇسكەن وتىنىشتەر  جيناق­تالىپ, جىلجىمالى داۋىس بەرۋ شارالارى ۇيىمداستىرىلدى, – دەيدى م.تايروۆ.

بۇل اۋىلدا داۋىس بەرۋگە وتباسىمەن كەلگەندەر دە بار. سولاردىڭ قاتارىنداعى مەكتەپ مۇعالىمى بوتا­گوز ماداعاەۆا جۇبايىمەن, اتا-ەنەسى­مەن بىرگە تاڭداۋىن جاسادى. 

– مەكتەپتە مۇعالىم بولىپ جۇمىس ىستەيمىن. وسىندا تۇرا­تىن بولعاندىقتان, اۋىلدىڭ بولا­شاعىنا بەيجاي قاراي المايمىز. اۋىلىمىز وركەندەپ, تۇرعىنداردىڭ ءال-اۋقاتى جاق­سارعانىن قالايمىز. ءبىزدىڭ اۋىلدا بەلسەندى جاستار كوپ. ولار اشىق الاڭدا ءارتۇرلى سپورت­تىق تۋرنير ۇيىمداستارىپ, جاس بۋىننىڭ, اسىرەسە مەكتەپ وقۋ­شى­لارىنىڭ  سالاماتتى ءومىر سالتىن ۇستانۋىنا اتسالىسىپ ءجۇر. جاس ۆولونتەرلەر قايىرىمدىلىق اكتسيالارىن وتكىزىپ, تۇرمىسى تومەن وتباسىلارعا باسپانا مەن ازىق-ت ۇلىك سەبەتىن سىيلاپ كەلەدى. اۋىل اكىمى قازاقتىڭ قايى­رىم­دىلىق قاعيداسىن ونەگەلى ىسى­مەن دالەلدەپ جۇرگەن  وسىن­­داي بەلسەندى جاستارعا قولداۋ بىلدىرسە, تۇرعىنداردىڭ اۋىزبىر­شىلىگى نىعايىپ, جامان ادەتتەن ارىلعان بولار ەدى, – دەپ ءوز پىكىرىن ءبىلدىردى بوتاگوز ماداعاەۆا.

مەديتسينا سالاسىندا جۇمىس ىستەپ, زەينەتكەرلىككە شىققان ماقپال تەمىروۆانىڭ پىكىرىن­شە, اۋىل ادامدارىنىڭ بايىر­عى كاسى­بى­نىڭ قاتارىندا ەگىن ەگۋ مەن ءتورت ت ۇلىك ءوسىرۋ بار. الاي­دا ەگىن شارۋا­شىلىعىن دامىتۋ­عا سۋدىڭ جەتىس­پەي­تىنى قولبايلاۋ بولىپ وتىر. اۋىل اكىمى وسى ماسەلەگە دەن قويسا, اۋىل­دان كوشۋ توقتاپ, جاستار ارا­سىن­­داعى جۇمىسسىزدىقتى ازاي­تۋعا ىق­پالى تيەدى. ال بالاباقشا قىز­مەت­كەرى ايمان مۇساەۆانى بالا­لار وي­ناي­تىن الاڭنىڭ جوقتى­عى الاڭدا­تادى. دەگەنمەن وسى ماسە­لەنىڭ ۇمىت­كەرلەر­دىڭ باعدارلاما­سىنان كورىنىس تاپقانى ءۇمىت وتىن مازداتىپ وتىر.

اتىراۋ وبلىسى