پاۆلوداردا كارانتيندى بۇزعاندار جاۋاپكەرشىلىككە تارتىلۋدا

وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, توپ قۇرامىندا جەرگىلىكتى اتقارۋشى ورگانداردىڭ, ىشكى ىستەر ورگاندارىنىڭ وكىلدەرى مەن باسقا دا مۇددەلى تۇلعالار كىرگەن. اعىمداعى جىلدىڭ 1 قاڭتارى مەن 20 شىلدەسى ارالىعىندا مونيتورينگتىك توپتار 5 992 رەيد جۇرگىزىپ, 35 835 نىسان تەكسەرىلدى. شەكتەۋ شارالارىن بۇزۋ 231 وبەكتىدە انىقتالدى. انىقتالعان بۇزۋشىلىقتار بويىنشا جالپى سوماسى 22 ملن تەڭگەدەن اساتىن 181 ايىپپۇل تۇرىندە اكىمشىلىك شارالارى قابىلداندى, 24 ءىس سوتقا جىبەرىلدى. 

22 شىلدەدە مونيتورينگتىك توپتار 9 رەيد جۇرگىزدى, ونىڭ بارىسىندا 53 نىسان تەكسەرىلدى. شەكتەۋ شارالارىن, ونىڭ ىشىندە كارانتيندى بۇزۋ انىقتالمادى.

- ماماندار بۇقارالىق ءىس-شارالاردى وتكىزۋ فاكتىسىن انىقتادى. 1 قاڭتاردان باستاپ مۇنداي 51 فاكتى تىركەلدى, ولاردىڭ قاتارىندا وتباسىلىق ءىس-شارالار, تويلار, ءدامحانالار مەن مەيرامحانالاردا دا وتكىزىلەتىن ەسكە الۋ استارى مەن كەڭەستەر بار. شەكتەۋ شارالارىن جۇيەلى تۇردە بۇزاتىندار ەرەكشە نازاردا. وبلىستا وسىنداي 16 نىسان انىقتالدى, ونىڭ ىشىندە 12 زاڭ بۇزۋشىلىق وبلىس ورتالىعىندا, 4 وقيعا ەكىباستۇز قالاسىندا تىركەلدى, - دەگەن دەپارتامەنتتە.

جاۋاپتى تۇلعالارعا قاتىستى 29 ايىپپۇل تۇرىندە 8 ملن تەڭگەدەن استام سوماعا اكىمشىلىك شارالار قابىلداندى.