اۋىلدىق وكرۋگتەر اكىمىنىڭ سايلاۋى وزگەشە وتپەك. بۇل اكىمنىڭ ورىنتاعىنان ۇمىتتىلەردى دە, ولارعا داۋىس بەرەتىن اۋىل تۇرعىندارىن دا بەلسەندىلىك تانىتۋعا شيرىقتىرىپ وتىر.
وبلىستىق اۋماقتىق سايلاۋ كوميسسياسىنىڭ توراعاسى ازامات ايماناكۋموۆتىڭ مالىمەتىنە سۇيەنسەك, اتىراۋ قالاسى مەن التى اۋدانداعى 18 اۋىلدىق وكرۋگتىڭ اكىمى سايلانادى. ال ماقات اۋدانىندا 1 كەنت پەن 2 اۋىلدىق وكرۋگ اكىمدەرىنىڭ سايلاۋىن وتكىزۋ جوسپارلانباعان. سەبەبى بۇل اۋدانداعى وكرۋگ اكىمدەرىنىڭ وكىلەتتىك مەرزىمى اياقتالماعان.
– اكىمدەرى سايلاناتىن وكۋرگتەردە 44 مىڭ 500 سايلاۋشى بار. قازىر بۇل وكرۋگتەردە 236 سايلاۋ كوميسسياسى قۇرىلدى. وكرۋگ اكىمدەرىنىڭ سايلاۋىنا 73 ۇمىتكەر ۇسىنىلعان. ونىڭ ىشىندە 39 ۇمىتكەر (53,4%) – ساياسي پارتيالاردىڭ وكىلى. ال 34 ۇمىتكەر (46,6%) ءوزىن ءوزى ۇسىنىپ, اكىم سايلاۋىنا قاتىسۋعا نيەت ءبىلدىردى. ماسەلەن, Nur وtan پارتياسى 15, «اۋىل» حدپپ – 5, «اق جول» قدپ – 3, اDAL پارتياسى – 6, قازاقستان حالىق پارتياسى – 7 كانديدات, جسدپ 3 ۇمىتكەر ۇسىندى. ورتاشا باسەكەلەستىك 4 ادامدى قۇراپ وتىر.
ونىڭ ايتۋىنشا, وكرۋگ اكىمدەرىنىڭ سايلاۋىنا ۇسىنىلعان ۇمىتكەرلەردىڭ اراسىندا 34 مۇعالىم (46,6%), 12 زاڭگەر (16,4%), 10 ەكونوميست (13,7%), 8 اۋىل شارۋاشىلىعى مامانى (11%), 1 ينجەنەر (1,3%) مەن باسقا ماماندىقتىڭ 8 يەسى (11%) بار. ساياسي دودادان 19 ايەل (26%) دە شەت قالعىسى كەلمەدى. ال ەڭ كوپ ۇمىتكەر دامبى اۋىلدىق وكرۋگىنەن ۇسىنىلعان. اتىراۋ قالاسىنا تاياۋ ورنالاسقان بۇل اۋىلعا اكىم بولعىسى كەلگەن 7 ۇمىتكەر باق سىناۋعا بەكىنىپتى. سونداي-اق قايىرشاقتى (اتىراۋ قالاسى) مەن جارسۋات (يندەر اۋدانى) اۋىلدىق وكرۋگتەرىندە 6, قۇرمانعازى اۋدانىنداعى كۋدرياشوۆ اۋىلدىق وكرۋگىندە 5 ۇمىتكەر سايلاۋعا قاتىسۋعا نيەت ءبىلدىردى.
– اۋىل اكىمدەرىنىڭ سايلاۋى – ەلىمىزدەگى دەموكراتيالىق دامۋدىڭ ءبىر كورىنىسى. بۇل سايلاۋعا Nur Otan پارتياسىنان ۇسىنىلعان ۇمىتكەرلەرمەن كەزدەسىپ, باسقارۋ جۇيەسىندەگى تەتىكتەر جونىندە ءوزىمنىڭ تاجىريبەمدى, كەيبىر ۇسىنىستارىمدى ءبولىستىم. ەڭ باستىسى, اۋىل تۇرعىندارى وكرۋگ اكىمىنىڭ لاۋازىمىنا ۇمىتكەرلەرگە داۋىس بەرەدى. ەلىمىزدە بۇرىن مۇنداي سايلاۋ بولعان ەمەس. بۇعان دەيىن اۋىل اكىمدەرى اۋداندىق, قالالىق دەپۋتاتتاردىڭ داۋىس بەرۋىمەن سايلاناتىن ەدى. ەندى, مىنە, بار جاۋاپكەرشىلىك جۇكتەلگەن اۋىل تۇرعىندارى ىسكەرلىك, ۇيىمداستىرۋشىلىق قىرى باسىم ۇمىتكەرلەردى تاڭدايتىنى داۋسىز, – دەيدى ءماجىلىس دەپۋتاتى نۇرلىبەك وجاەۆ.
اۋىل اكىمىنىڭ ورىنتاعى ءۇشىن سايلاۋ دوداسىنا تۇسكەن ۇمىتكەرلەر سايلاۋشىلارعا باعدارلاماسىن ۇسىنىپ, ۇگىت-ناسيحاتىن باستادى. باق شابا ما, الدە باعدارلاما وزا ما؟
اتىراۋ وبلىسى