نازار اۋدارار ناقىشتار

63 ەر مەن 33 ايەل

جاپونيا جەرىندە 96 وتاندىق اتلەت سپورتتىڭ 27 تۇرىنەن باق سىنايدى. قۇراما ساپىندا 63 ەر مەن 33 ايەل سپورتشى بار.

تۇڭعىش رەت تۋ ۇستايدى

بوكستان الەم چەمپيوناتىنىڭ ەكى دۇركىن كۇمىس جۇلدەگەرى قام­شىبەك قوڭقاباەۆ پەن لوندون وليم­پياداسىنىڭ چەمپيونى ولگا رىپاكوۆا وليمپيادانىڭ اشىلۋ سالتاناتىندا تۇڭعىش رەت تۋ ۇستاپ شىعادى.

Salta برەندى

وليمپياداعا قازاقستان دەلەگاتسياسى ارنايى تاپسىرىسپەن دايىندالعان كيىممەن اتتاندى. Salta برەندىمەن تانىمال سال­تانات بايمۇحامەدوۆا –وليم­پيا­دالىق كيىمنىڭ ديزاينەرى. قا­زاق­ستاندىق سپورتشىلارعا ار­نالعان سپورتتىق جەيدەنى يس­پاندىق Joma كومپانيا­سى جاسادى.

كىم كەنجە؟

قازاقستان وليمپيادالىق قۇرا­ماسى ساپىنداعى ەڭ جاس سپورتشى 19 جاستا. ول – كوركەم گيمناستيكادان ازيا چەمپيونى الينا ءادىلحانوۆا.

جەتى جولداما جەڭىپ الدى

ميلاد كاريمي – سپورتتىق گيمناستيكادان وليمپيادانىڭ جەتى جولداماسىنا يە بولعان جالعىز اتلەت. ول توكيودا وتەتىن دودادا كوپ­سايىس, ەركىن جاتتىعۋ, قولدى تىرەپ سەكىرۋ, قوسسىرىق, شىعىرشىق, كەرمە جانە گيمناستيكالىق ات سناريادى بويىنشا جارىسقا قاتىسادى.

تاريحي جەتىستىك

20 جىلدان كەيىن العاش رەت قازاقستاننان ءۇش ساداقشى وليم­پيادادا كوماندالىق جارىستا سىنعا تۇسەدى. سانجار مۇساەۆ, دەنيس گانكين جانە يلفات ابدۋل­لين نيدەرلاندتىڭ حەرتوگەنبوس قالاسىندا وتكەن الەم چەمپيونا­تىندا التىنشى ورىن يەلەندى. وليم­پيادادا كوماندالىق جولدا­ماعا يە بولعان ولار سونداي-اق جەكەلەي سىندا دا ونەر كورسەتەدى.

كومانداداعى جالعىز قۇراما

سۋ دوبىنان ەرلەر قۇراماسى كوماندالىق ويىن تۇرلەرىنەن جا­رىسقا قاتىساتىن قازاقستاندىق جالعىز قۇراما بولىپ وتىر. ولار وليمپيا ويىندارىنا سەگىز جىلدان كەيىنگى ۇزىلىستەن سوڭ ورالدى.