قازاقستان ەۋرازيالىق ەكونوميكالىق وداق شەڭبەرىندە كرەديت تاريحىنا ەنگىزىلگەن اقپاراتپەن الماسۋ ءتارتىبى تۋرالى كەلىسىمنىڭ جوباسىن دايىندادى, دەپ جازادى Egemen.kz.
كەلىسىم ماقساتى – قارجى نارىعىندا تاۋارلاردىڭ, كورسەتىلەتىن قىزمەتتەردىڭ, كاپيتالدىڭ جانە جۇمىس كۇشىنىڭ ەركىن قوزعالىسىن قامتاماسىز ەتۋ. كرەديتتىك تاۋەكەلدەردى بارىنشا ازايتۋ, تۇتىنۋشىلاردىڭ جانە قىزمەت كورسەتۋشىلەردىڭ قۇقىعى مەن مۇددەلەرىن قورعاۋدى قامتاماسىز ەتۋ, سونداي-اق ەۋرازيالىق ەكونوميكالىق وداق شەڭبەرىندە ورتاق قارجى نارىعىن قالىپتاستىرۋ.
كەلىسىم ماقۇلدانعان جاعدايدا, وداق ءوزى ىشىندە مىناداي مالىمەتتەردى الماسا الادى:
- كرەديت تاريحى سۋبەكتىسىنىڭ كەلىسىمىن نەمەسە مۇشە مەملەكەتتىڭ زاڭناماسىنا سايكەس ۋاكىلەتتى ۇيىمىنا كرەديتتىك ەسەپتى بەرۋ تۋرالى سۇراۋ سالۋ جىبەرىلەتىن وسىنداي كەلىسىمنىڭ بارلىعى تۋرالى اقپاراتتى;
- كرەديتتىك ەسەپتى;
- كرەديت تاريحىنىڭ قۇرامىنا كىرەتىن مالىمەتتەردى داۋلاۋعا قاتىستى قۇجاتتار.
ەگەر وسى تاقىرىپتا جىبەرلىگەن سۇرانىس وداققا كىرەتىن ەلدەردىڭ زاڭناماسىن بۇزباسا, تالاپ ەتىلگەن اقپارات 3 جۇمىس كۇنىنەن كەشىكتىرمەي جىبەرىلەدى.
ايتا كەتەيىك, ەۋرازيالىق ەكونوميكالىق وداق قۇرامىندا قازاقستان, ارمەنيا, بەلارۋس, قىرعىزستان مەن رەسەي كىرەدى.
بۇگىندە كەلىسىم اشىق نقا جۇيەسىندە تالداۋعا شىعارىلعان.