كانادانىڭ باتىس جانە سولتۇستىك-ورتالىق ايماقتارىنداعى بىرنەشە دالا ورتىنەن جۇزدەگەن ادام ەۆاكۋاتسيالاندى, دەپ حابارلايدى Egemen.kz كانادالىق CBC News سايتىنا سىلتەمە جاساپ.
پەنتيكتوننان (بريتان كولۋمبياسى) وڭتۇستىككە قاراي 40 كم جەردە بولعان ءورتتىڭ كۇشى تۇندە ەكى ەسەگە ۇلعايعاندىقتان جەرگىلىكتى تۇرعىنداردى تەز ارادا ەۆاكۋاتسيالاۋعا تۋرا كەلدى. ءۇيىن تاستاپ كەتۋگە ءماجبۇر بولعان ادامداردىڭ ناقتى سانى ءالى بەلگىسىز. بىراق ولاردىڭ سانى جۇزدەن كەم ەمەس.
ونتاريونىڭ سولتۇستىگىندەگى دير لەيكتەن تاعى 500-دەن استام ادام تىكۇشاقپەن وڭتۇستىك پروۆينتسياداعى ەۆاكۋاتسيالىق ورتالىقتارعا جەتكىزىلدى.
ءورتتىڭ ءىرى ءۇش وشاعى 20 000-100 000 گا اۋماقتى قامتىعان. سالدارىنان 2000 كم قاشىقتىقتا ورنالاسقان وتتاۆاداعى اۋا رايى دا ناشارلادى.
ەۆاكۋاتسيالانعاندار امەريكا شەكاراسىنداعى قوناق ۇيگە ورنالاستىرىلعان. ولار ۇيلەرىنە كەم دەگەندە ءبىر ايدان كەيىن ورالۋى مۇمكىن.