قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى, قر پارلامەنتى ءماجىلىسىنىڭ دەپۋتاتى لاززات رامازانوۆا شىمكەنتكە ارنايى ىسساپارمەن كەلىپ, قوعام وكىلدەرىمەن كەزدەستى. بۇل تۋرالى قالا اكىمدىگىنىڭ ءباسپسوز قىزمەتى حابارلادى, دەپ جازادى Egemen.kz.
«وتباسى مەكتەبى» وتباسىلىق قۇندىلىقتارىن نىعايتۋ» جوباسى اياسىندا وتكەن كەزدەسۋگە قالا اكىمىنىڭ ءبىرىنشى ورىنباسارى ش.مۇقان جانە جەرگىلىكتى اتقارۋشى ورگانداردىڭ باسشىلارى, قالالىق ءماسليحات دەپۋتاتتارى, جەرگىلىكتى پوليتسيا قىزمەتكەرلەرى, داعدارىس ورتالىقتارى مەن بەلسەندى ۇكىمەتتىك ەمەس ۇيىمداردىڭ وكىلدەرى قاتىستى.
جيىندا ۇلتتىق كوميسسيانىڭ ءتورايىمى وتباسى قۇندىلىقتارى تۇرعىسىندا ءسوز قوزعادى. وتباسىنداعى اتا-انانىڭ ءرولى, قوعاممەن بايلانىس, وتباسى ينستيتۋتىن نىعايتۋعا باعىتتالعان زاڭ نورمالارىن جەتىلدىرۋ ماسەلەسىن ورتاعا سالدى.
سونىمەن قاتار جيىنعا قاتىسقان رەسپۋبليكالىق اكەلەر وداعى قوعامدىق بىرلەستىگىنىڭ توراعاسى ماقسۇتبەك ايتماعانبەت, Street Law Kazakhstan باعدارلاماسىنىڭ ترەنەرى, زاڭگەر مەدەت ۋسەروۆ, «اتامەكەن» ۇكپ ىسكەر ايەلدەر كەڭەسىنىڭ مۇشەسى ايجان مۇقاتاەۆا, تەلەدارىگەر, ەندوكرينولوگ, anti-age ەكسپەرت گۇلجان امانباي سانالى وتباسى جانە اكەنىڭ بالا تاربيەسىنە ارالاسۋى, پسيحولوگيالىق ماسەلەلەر تاقىرىبىندا پىكىرىن ءبىلدىردى.
كەزدەسۋ سوڭىندا «تۇرمىستىق زورلىق-زومبىلىققا قارسى ءىس-قيمىل تۋرالى» قر زاڭىنىڭ جوباسى تالقىلانىپ, ۇسىنىستار جيناقتالدى.