جول-كولىك وقيعاسى اۋەجاي-پاۆلودار اۆتوجولىندا بولعان, دەپ حابارلايدى Egemen.kz. بۇل جايىندا Pavlodarnews.kz سايتىندا جاريالاندى.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 20 شىلدە كۇنى ساعات 08.00-دە Mitsubishi Delica ماركالى اۆتوكولىگىنىڭ جۇرگىزۋشىسى جولدىڭ جيەگىمەن كەلە جاتقان 79 جاستاعى جاياۋ جۇرگىنشىنى قاعىپ كەتكەن.
- سالدارىنان جاياۋ جۇرگىنشى جاراقاتپەن اۋرۋحاناعا جاتقىزىلدى. الايدا زەينەتكەر ەسىن جيماستان قايتىس بولدى, - دەدى دەپارتامەنتتە.
سونداي-اق ءدال سول كۇنى ساعات 11.30-دا مينين - ششەدرين كوشەلەرىنىڭ قيىلىسىندا «ۆاز 21112» جانە «تويوتا-كوررولا» ماركالى اۆتوكولىكتەرى سوقتىعىسىپ قالدى. «ۆاز 21112» اۆتوكولىگىنىڭ جۇرگىزۋشىسى جاراقات الىپ, اۋرۋحاناعا جەتكىزىلدى. ساراپتاما تاعايىندالىپ, بارلىق فاكتىلەر بويىنشا تەكسەرۋ جۇرگىزىلۋدە.